Read Новый Завет на церковнославянском языке 1-е Коринфянам 9 Bible Online

1-е Коринфянам 9 - Новый Завет на церковнославянском языке bible

1-е Коринфянам 9

¹нeсмь ли апл, нeсмь ли свободь, не Иисуса Христа ли Господа нашего видeх, не дeло ли мое вы есте о Господe,

²аще иным и нeсмь апл, но обаче вам есмь. печать бо моего апостольства вы есте о Господe.

³мои отвeт востязующым мене сеи есть.

⁴еда не имамы власти ясти и пити,

⁵еда не имамы власти сестру жену водити, яко и прочии апли, и братия Господня, и кифа,

⁶или един аз и варнава не имамы власти еже не дeлати,

⁷кто воинствует своими оброки когда, или кто насаждает виноград, и от плода его не яст, или кто пасет стадо, и от млека стада не яст,

⁸еда по человeку сия глаголю, не и закон ли сия глаголет,

⁹в моисеовe бо законe писано. да не заградиши устну вола молотяща. еда о волeх радит Бог,

¹⁰или нас ради всяко глаголет, нас бо ради написася, яко о надежди должен есть оряи орати, и молотяи с надеждею своего упования причащатися.

¹¹аще мы духовная сeяхом вам, велико ли, аще мы ваша тeлесная пожнем,

¹²аще инии власти вашея причащаются, не паче ли мы, но не сотворихом по области сеи. но вся терпим, да не прекращение кое дамы благовeствованию Христову.

¹³не вeсте ли, яко дeлающии священная, от святилища ядят, и служащии олтарю, со олтарем дeлятся,

¹⁴тако и Господь повелe проповeдающым благовeстие, от благовeстия жити.

¹⁵аз же ни едино сотворих от сих. не писах же сия, да тако будет о мнe. добрeе бо мнe паче умрети, нежели похвалу мою кто да испразднит.

¹⁶аще бо благовeствую, нeсть ми похвалы. нужда бо ми належит. горе же мнe есть, аще не благовeствую.

¹⁷аще убо волею сие творю, мзду имам. аще же неволею, строение ми есть предано.

¹⁸кая убо ми есть мзда, да благовeствуяи без мзды положу благовeстие Христово, во еже не творити ми по области моеи в благовeствовании.

¹⁹свободен бо сыи от всeх, всeм себе поработих, да множаишыя приобрящу.

²⁰бых иудеем яко иудеи, да иудеи приобрящу. подзаконным яко подзаконен, да подозаконныя приобрящу.

²¹беззаконным яко беззаконен, не сыи беззаконник Богу, но законник Христу, да приобрящу беззаконныя.

²²бых немощным яко немощен, да немощныя приобрящу. всeм бых вся, да всяко нeкия спасу.

²³сие же творю за благовeстие, да сообщник ему буду.

²⁴не вeсте ли, яко текущии в позорищи, вси убо текут, един же приемлет почесть, тако тецыте, да постигнете.

²⁵всяк же подвизаяися, от всeх воздержится. и они убо да истлeнен вeнец приимут, мы же неистлeнен.

²⁶аз убо тако теку, не яко безвeстно. тако подвизаюся, не яко воздух бияи.

²⁷но умерщвляю тeло мое и порабощаю, да не како, иным проповeдуя, сам неключимь буду.