Read Новый Завет на церковнославянском языке 2-е Коринфянам 1 Bible Online

2-е Коринфянам 1 - Новый Завет на церковнославянском языке bible

2-е Коринфянам 1

¹Павел, посланник Иисус Христов волею Божиею, и тимофей брат, церкви Божией сущей в коринфe, со святыми всeми сущими во всей ахаии:

²благодать вам и мир от Бога Отца нашего, и Господа Иисуса Христа.

³Благословен Бог и Отец Господа нашего Иисуса Христа, Отец щедрот и Бог всякия утeхи,

⁴утeшаяй нас о всяцeй скорби нашей, яко возмощи нам утeшити сущыя во всяцeй скорби, утeшением, имже утeшаемся сами от Бога.

⁵Зане якоже избыточествуют страдания Христова в нас, тако Христом избыточествует и утeшение наше.

⁶Аще ли же скорбим, о вашем утeшении и спасeнии, дeйствующемся в терпeнии тeхже страданий, яже и мы страждем:

⁷и упование наше извeстно о вас. Аще ли утeшаемся, о вашем утeшении и спасeнии, вeдяще, зане якоже общницы есте страстем нашым, такожде и утeшению.

⁸Не бо хощем вас, братие, не вeдeти о скорби нашей бывшей нам во асии, яко по премногу и паче силы отяготихомся, яко не надeятися нам и жити.

⁹Но сами в себe осуждение смерти имeхом, да не надeющеся будем на ся, но на Бога возставляющаго мертвыя,

¹⁰иже от толикия смерти избавил ны есть и избавляет, наньже и уповахом, яко и еще избавит,

¹¹споспeшествующым и вам по нас молитвою, да от многих лиц, еже в нас дарование, многими благодарится о вас (в нeкиих списках о нас).

¹²Похваление бо наше сие есть, свидeтельство совeсти нашея, яко в простотe и чт(с)отe Божией, а не в мудрости плоти, но благодатию Божиею жихом в мирe, множае же у вас.

¹³Не иная бо пишем вам, но яже чтете и разумeваете: уповаю же, яко и до конца уразумeете,

¹⁴якоже и разумeсте нас от части, яко похваление вам есмы, якоже и вы нам, в день Господа нашего Иисуса Христа.

¹⁵И сим упованием хотeх к вам приити прежде, да вторую благть имате,

¹⁶и вами проити в македонию, и паки от македонии приити к вам, и вами проводитися во иудею.

¹⁷Сие же хотя, еда что убо легкотою дeях? Или яже совeщаваю, по плоти совeщаваю, да будет у мене еже ей, ей, и еже ни, ни.

¹⁸Вeрен же Бог, яко слово наше, еже к вам, не бысть ей и ни.

¹⁹Ибо Божий Сын Иисус Христос, иже у вас нами проповeданный, мною и силуаном и тимофеем, не бысть ей и ни, но в нем самeм ей бысть:

²⁰елика бо обeтования Божия, в том ей и в том аминь: Богу к славe нами.

²¹Извeствуяй же нас с вами во Христа и помазавый нас, Бог,

²²иже и запечатлe нас, и даде обручение духа в сердца наша.

²³Аз же свидeтеля Бога призываю на мою душу, яко щадя вас, ктому не приидох в коринф,

²⁴не яко обладаем вeрою вашею, но яко споспeшницы есмы вашей радости: вeрою бо стоите.