Read Новый Завет на церковнославянском языке 2-е Коринфянам 10 Bible Online

2-е Коринфянам 10 - Новый Завет на церковнославянском языке bible

2-е Коринфянам 10

¹Сам же аз павел молю вы кротостию и тихостию Христовою, иже в лице убо смирен в вас, не сый же у вас дерзаю в вас.

²Молю же, да не присущ дерзаю надeянием, имже помышляю смeти на нeкия непщующыя нас яко по плоти ходящих.

³Во плоти бо ходяще, не по плоти воинствуем:

⁴оружия бо воинства нашего не плотская, но сильна Богом на разорение твердем: помышления низлагающе,

⁵и всяко возношение взимающееся на разум Божий, и плeняюще всяк разум в послушание Христово,

⁶и в готовости имуще отмстити всяко преслушание, егда исполнится ваше послушание.

⁷Яже ли пред лицем, зрите? Аще кто надeется себе Христова быти, да помышляет паки от себе, зане, якоже он Христов, такожде и мы Христовы.

⁸Аще бо и лишше что похвалюся о власти нашей, юже даде нам Господь в создание, а не на разорение ваше, не постыжуся.

⁹Но да не явлюся, яко страшя вас посланьми.

¹⁰Яко послания убо, рече, тяжка и крeпка, а пришествие тeла немощно, и слово уничиженно:

¹¹сие да помышляет таковый, яко яцы же есмы словом посланий, отстояще, таковии и ту суще есмы дeлом.

¹²Не смeем бо судити (присовокупляти), или прикладовати себе иным хвалящым себе самeх: но сами в себe себе измeряюще, и прилагающе себе самим себe, не разумeвают.

¹³Мы же не в безмeрная похвалимся, но по мeрe правила, егоже раздeли нам Бог мeру, достизати даже и до вас.

¹⁴Не яко бо не досяжуще до вас, паче простираем себе, даже бо и до вас достигохом благовeстием Христовым:

¹⁵не в безмeрная хвалящеся в чуждих трудeх, упование же имуще, растущей вeрe вашей, в вас величатися по правилу нашему изобильно,

¹⁶во еже и в дальших вас странах благовeстити, не чужим правилом в готовых похвалитися.

¹⁷Хваляйся же, о Господe да хвалится:

¹⁸не хваляй бо себе сей искусен, но егоже Бог восхваляет.