Read Новый Завет на церковнославянском языке 2-е Коринфянам 2 Bible Online

2-е Коринфянам 2 - Новый Завет на церковнославянском языке bible

2-е Коринфянам 2

¹Судих же в себe сие, не паки скорбию к вам приити.

²Аще бо аз скорбь творю вам, то кто есть веселяяй мя, точию приемляй скорбь от мене?

³И писах вам сие истое, да не пришед скорбь на скорбь прииму, о нихже подобаше ми радоватися, надeяся на вся вы, яко моя радость всeх вас есть.

⁴От печали бо многия и туги сердца написах вам многими слезами, не яко да оскорбитеся, но любовь да познаете, юже имам изобильно к вам.

⁵Аще ли кто оскорбил мене, не мене оскорби, но от части, да не отягчу, всeх вас.

⁶Довольно бо таковому запрещение сие, еже от многих:

⁷тeмже сопротивное паче вы да даруете и утeшите, да не како многою скорбию пожерт будет таковый:

⁸тeмже молю вы, утвердите к нему любовь.

⁹На сие бо и писах, да разумeю искусство ваше, аще во всем послушливи есте.

¹⁰Емуже аще что даруете, и аз: ибо аз аще что даровах, емуже даровах, вас ради, о лицы Иисус Христовe,

¹¹да не обидими будем от сатаны: Не не разумeваем бо умышлений его.

¹²Пришед же в троаду во благовeстие Христово, и двери отверзенe ми бывшей о Господe,

¹³не имeх покоя духу моему, не обрeтшу ми тита брата моего: но отрекся им (но цeловав их), изыдох в македонию.

¹⁴Богу же благодарение, всегда побeдители нас творящему о Христe Иисусe и воню разума его являющу нами во всяцeм мeстe.

¹⁵Яко Христово благоухание есмы Богови в спасаемых и в погибающих.

¹⁶Овeм убо воня смертная в смерть, овeм же воня животная в живот. И к сим кто доволен?

¹⁷нeсмы бо, якоже мнози, нечисто проповeдающии слово Божие, но яко от чт(с)оты, но яко от Бога, пред Богом, во Христe глаголем.