Read Новый Завет на церковнославянском языке 2-е Коринфянам 3 Bible Online

2-е Коринфянам 3 - Новый Завет на церковнославянском языке bible

2-е Коринфянам 3

¹Зачинаем ли паки нас самeх извeщавати вам? Или требуем, якоже нeцыи, извeщавательных посланий к вам, или от вас извeстительных?

²Послание бо наше вы есте, написаное в сердцах наших, знаемое и прочитаемое от всeх человeк:

³являеми, яко есте послание Христово служеное нами, написано не чернилом, но духом Бога жива, не на скрижалех каменных, но на скрижалех сердца плотяных.

⁴Надeяние же таково имамы Христом к Богу,

⁵не яко довольни есмы от себе помыслити что, яко от себе, но доволство наше от Бога:

⁶иже и удоволи нас служители быти нову завeту, не писмени, но духу: писмя бо убивает, а дух животворит.

⁷Аще ли служение смерти писмены, образовано в каменех, бысть в славу, яко не мощи взирати сыном израилевым на лице моисеово, славы ради лица его престающия.

⁸како не множае паче служение духа будет в славe?

⁹Аще бо служение осуждения, слава, много паче избыточествует служение правды в славe.

¹⁰Ибо не прославися прославленное в части сей, за превосходящую славу.

¹¹Аще бо престающее, славою: много паче пребывающее, в славe.

¹²Имуще убо таково упование, многим дерзновением дeйствуем,

¹³и не якоже моисей полагаше покрывало на лицы своем, за еже не мощи взирати сыном израилевым на конец престающаго.

¹⁴Но ослeпишася помышления их: даже бо до сего дне тожде покрывало во чтении ветхаго завeта пребывает не откровено, зане о Христe престает.

¹⁵Но даже до днесь, внегда чтется моисей, покрывало на сердцe их лежит:

¹⁶внегда же обратятся ко Господу, взимается покрывало.

¹⁷Господь же дух есть: а идeже дух Господень, ту свобода.

¹⁸Мы же вси откровенным лицем славу Господню взирающе, в тойже образ преобразуемся от славы в славу, якоже от Господня духа.