Read Новый Завет на церковнославянском языке 2-е Коринфянам 4 Bible Online

2-е Коринфянам 4 - Новый Завет на церковнославянском языке bible

2-е Коринфянам 4

¹Сего ради имуще служение сие, якоже помиловани быхом, не стужаем си:

²но отрекохомся тайных срама, не в лукавствии ходяще, ни льстяще словесе Божия, но явлением истины представляюще себе ко всяцeй совeсти человeчестeй, пред Богом.

³Аще ли же есть покровено благовeствование наше, в гибнущих есть покровено,

⁴в нихже бог вeка сего ослeпи разумы невeрных, во еже не возсияти им свeту благовeствования славы Христовы, иже есть образ Бога невидимаго.

⁵Не себе бо проповeдаем, но Христа Иисуса Господа: себе же самeх рабов вам Иисуса Господа ради:

⁶яко Бог рекий из тмы свeту возсияти, иже возсия в сердцах наших, к просвeщению разума славы Божия о лицы Иисус Христовe.

⁷Имамы же сокровище сие в скудельных сосудeх, да премножество силы будет Божия, а не от нас:

⁸во всем скорбяще, но не стужающе си: нечаеми, но не отчаяваеми:

⁹гоними, но не оставляеми: низлагаеми, но не погибающе:

¹⁰всегда мертвость Господа Иисуса в тeлe носяще, да и живот Иисусов в тeлe нашем явится.

¹¹Присно бо мы живии в смерть предаемся Иисуса ради, да и живот Иисусов явится в мертвеннeй плоти нашей:

¹²тeмже смерть убо в нас дeйствует, а живот в вас.

¹³Имуще же тойже дух вeры, по писанному: вeровах, тeмже возглаголах: и мы вeруем, тeмже и глаголем,

¹⁴вeдяще, яко воздвигий Господа Иисуса, и нас со Иисусом воздвигнет, и предпоставит с вами.

¹⁵Вся бо вас ради, да благодать умножившаяся, множайшими благодарении избыточествит в славу Божию.

¹⁶Тeмже не стужаем си: но аще и внeшний наш человeк тлeет, обаче внутренний обновляется по вся дни.

¹⁷Еже бо нынe легкое печали нашея, по преумножению в преспeяние тяготу вeчныя славы содeловает нам,

¹⁸не смотряющым нам видимых, но невидимых: видимая бо временна, невидимая же вeчна.