Read Новый Завет на церковнославянском языке 2-е Коринфянам 5 Bible Online

2-е Коринфянам 5 - Новый Завет на церковнославянском языке bible

2-е Коринфянам 5

¹Вeмы бо, яко аще земная наша храмина тeла разорится, создание от Бога имамы, храмину нерукотворену, вeчну на небесeх.

²Ибо о сем воздыхаем, в жилище наше небесное облещися желающе:

³аще точию и облекшеся, не нази обрящемся.

⁴Ибо сущии в тeлe сем воздыхаем отягчаеми, понеже не хощем совлещися, но пооблещися, да пожерто будет мертвенное животом.

⁵Сотворивый же нас в сие истое Бог, иже и даде нам обручение духа.

⁶Дерзающе убо всегда и вeдяще, яко живуще в тeлe отходим от Господа:

⁷вeрою бо ходим, а не видeнием:

⁸дерзаем же и благоволим паче отити от тeла и внити ко Господу:

⁹тeмже и тщимся, аще входяще, аще отходяще, благоугодни ему быти:

¹⁰всeм бо явитися нам подобает пред судищем Христовым, да приимет кийждо, яже с тeлом содeла, или блага, или зла.

¹¹Вeдуще убо страх Господень, человeки увeщаваем, Богови же явлени есмы: уповаем же, яко и в совeстех ваших явлени есмы.

¹²Не паки бо себе хвалим пред вами, но вину даем вам похвалению о нас, да имате к хвалящымся в лицы, а не в сердцы.

¹³Аще бо изумихомся, Богови: аще ли цeломудрствуем, вам.

¹⁴Ибо любы Божия обдержит нас суждших сие: яко аще един за всeх умре, то убо вси умроша.

¹⁵Христос же за всeх умре, да живущии не ктому себe живут, но умершему за них и воскресшему.

¹⁶Тeмже и мы отнынe ни единаго вeмы по плоти: аще же и разумeхом по плоти Христа, но нынe ктому не разумeем.

¹⁷Тeмже аще кто во Христe, нова тварь: древняя мимоидоша, се быша вся нова:

¹⁸Всяческая же от Бога, примирившаго нас себe Иисус Христом и давшаго нам служение примирения:

¹⁹зане Бог бe во Христe мир примиряя себe, не вмeняя им согрeшений их и положив в нас слово примирения.

²⁰По Христe убо молим (посолствуем), яко Богу молящу нами, молим по Христe: примиритеся с Богом.

²¹Не вeдeвшаго бо грeха по нас грeх сотвори, да мы будем правда Божия о нем.