Read Новый Завет на церковнославянском языке 2-е Коринфянам 6 Bible Online

2-е Коринфянам 6 - Новый Завет на церковнославянском языке bible

2-е Коринфянам 6

¹Споспeшествующе же и молим, не вотще благодать Божию прияти вам.

²Глаголет бо: во время приятно послушах тебе, и в день спасeния помогох ти. Се нынe время благоприятно, се нынe день спасeния.

³Ни едино ни в чемже дающе претыкание, да служение безпорочно будет,

⁴но во всем представляюще себе якоже Божия слуги, в терпeнии мнозe, в скорбех, в бeдах, в тeснотах,

⁵в ранах, в темницах, в нестроениих, в трудeх, во бдeниих, в пощениих,

⁶во очищении, в разумe, в долготерпeнии, в благости, в дусe святe, в любви нелицемeрнe,

⁷в словеси истины, в силe Божией, оружии правды десными и шуими,

⁸славою и безчестием, гаждением и благохвалением: яко лестцы, и истинни:

⁹яко незнаеми, и познаваеми: яко умирающе, и се живи есмы: яко наказуеми, а не умерщвляеми:

¹⁰яко скорбяще, присно же радующеся: яко нищи, а многи богатяще: яко ничтоже имуще, а вся содержаще.

¹¹Уста наша отверзошася к вам, коринфяне, сердце наше распространися.

¹²Не тeсно вмeщаетеся в нас, утeсняетеся же во утробах ваших.

¹³Тожде же возмездие, якоже чадом глаголю, распространитеся и вы.

¹⁴Не бывайте удобь преложни ко иному ярму, якоже невeрнии (не бывайте преложни ко иному ярму невeрных). Кое бо причастие правдe к беззаконию? Или кое общение свeту ко тьмe?

¹⁵Кое же согласие Христови с велиаром? Или кая часть вeрну с невeрным?

¹⁶Или кое сложение церкви Божией со идолы? Вы бо есте церкви Бога жива, якоже рече Бог: яко вселюся в них и похожду, и буду им Бог, и тии будут мнe людие.

¹⁷Тeмже изыдите от среды их и отлучитеся, глаголет Господь, и нечистотe не прикасайтеся, и аз прииму вы:

¹⁸и буду вам во Отца, и вы будете мнe в сыны и дщери, глаголет Господь вседержитель.