Read Новый Завет на церковнославянском языке 2-е Коринфянам 8 Bible Online

2-е Коринфянам 8 - Новый Завет на церковнославянском языке bible

2-е Коринфянам 8

¹Сказуем же вам, братие, благодать Божию, данную в церквах македонских:

²яко во мнозeм искушении скорбей избыток радости их, и яже во глубинe нищета их избыточествова в богатство простоты их:

³яко по силe их, свидeтельствую, и паче силы доброхотни,

⁴со многим молением моляще нас, благодать и общение служения, еже ко святым, прияти нам:

⁵и не якоже надeяхомся, но себе вдаша первeе Господеви, и нам волею Божиею:

⁶во еже умолити нам тита, да якоже прежде начат, такожде и скончает в вас и благодать сию.

⁷Но якоже во всем избыточествуете, вeрою и словом, и разумом, и всяцeм тщанием, и любовию, яже от вас к нам, да и в сей благодати избыточествуете.

⁸Не по повелeнию глаголю, но за иных тщание и вашея любве истинное искушая.

⁹Вeсте бо благодать Господа нашего Иисуса Христа, яко вас ради обнища богат сый, да вы нищетою его обогатитеся.

¹⁰И совeт даю о сем: се бо вам есть на пользу, иже не точию, еже творити, но и еже хотeти, прежде начасте от прешедшаго лeта.

¹¹Нынe же и сие творити скончайте, да якоже бысть усердие хотeти, тако будет и исполнити от сего, еже имате.

¹²Аще бо усердие предлежит, по елику аще кто имать, благоприятен есть, а не по елику не имать.

¹³Не бо да иным убо отрада, вам же скорбь: но по изравнению.

¹⁴В нынeшнее время ваше избыточествие во онeх лишение, да и онeх избыток будет в ваше лишение, яко да будет равенство,

¹⁵якоже есть писано: иже многое, не преумножил есть: и иже малое, не умалил (не преизбыточествова, иже много: и иже мало, не мнeе прият).

¹⁶Благодарение же Богови, давшему тожде тщание о вас в сердце титово:

¹⁷яко моление убо прият, тщаливeйший же сый, своею волею изыде к вам.

¹⁸Послахом же с ним и брата, егоже похвала во евлии по всeм церквам:

¹⁹не точию же, но и освящен от церквей с нами ходити, со благодатию сею, служимою нами к самого Господа славe и усердию вашему:

²⁰блюдущеся того, да не кто нас поречет во обилии сем служимeм нами:

²¹промышляюще добрая не токмо пред Богом, но и пред человeки.

²²Послахом же с ними и брата нашего, егоже искусихом во многих многащи встанлива (многажды тщательна) суща, нынe же зeло встанливeйша (множае тщательнeйша), надeянием многим на вас.

²³Аще ли же о титe, общник мнe и к вам споспeшник: аще ли братия наша, посланницы церквей, слава Христова.

²⁴Показание убо любве вашея и нашего хваления о вас, к ним покажите, и в лице церквей.