Read Новый Завет на церковнославянском языке 2-е Коринфянам 9 Bible Online

2-е Коринфянам 9 - Новый Завет на церковнославянском языке bible

2-е Коринфянам 9

¹О службe бо, яже ко святым, лишше ми есть писати вам,

²вeм бо усердие ваше, имже о вас хвалюся македоняном, яко ахаиа приготовися от мимошедшаго лeта: и яже от вас ревность раздражи множайших.

³Послах же братию, да не похваление наше, еже о вас, испразднится в части сей, но да, якоже глаголах, приготовани будете:

⁴да не како, аще приидут со мною македоняне и обрящут вас неприготованных, постыдимся мы, да не глаголем вы, в части сей похваления.

⁵Потребно убо умыслих умолити братию, да прежде приидут к вам и предуготовят прежде возвeщенное благословение ваше, сие готово быти тако, якоже благословение, а не яко лихоимство.

⁶Се же глаголю: сeяй скудостию, скудостию и пожнет: а сeяй о благословении, о благословении и пожнет.

⁷Кийждо якоже изволение имать сердцем, не от скорби, ни от нужды: доброхотна бо дателя любит Бог.

⁸Силен же Бог всяку благодать изобиловати в вас, да о всем всегда всяко довольство имуще, избыточествуете во всяко дeло благо,

⁹якоже есть писано: расточи, даде убогим: правда его пребывает во вeк вeка.

¹⁰Даяй же сeмя сeющему и хлeб в снeдь, да подаст и умножит сeмя ваше, и да возрастит жита правды вашея,

¹¹да о всем богатящеся во всяку простоту, яже содeвает нами благодарение Богу.

¹²Яко работа сего служения не токмо есть исполняющая лишения святых, но и избыточествующая многими благодареньми Богови:

¹³искушением служения сего славяще Бога о покорении исповeдания вашего в благовeствовании Христовe, и о простотe сообщения к ним и ко всeм,

¹⁴и о тeх молитвe о вас, возжелeющих вас за премногую благодать Божию на вас.

¹⁵Благодарение же Богови о неисповeдимeм его дарe.