Read Новый Завет на церковнославянском языке К Галатам 1 Bible Online

К Галатам 1 - Новый Завет на церковнославянском языке bible

К Галатам 1

¹Павел, апостол ни от человeк, ни человeком, но Иисус Христом и Богом Отцем воскресившим его из мертвых,

²и иже со мною вся братия, церквам галатийским:

³благодать вам и мир от Бога Отца и Господа нашего Иисуса Христа,

⁴давшаго себе по грeсeх наших, яко да избавит нас от настоящаго вeка лукаваго, по воли Бога и Отца нашего,

⁵емуже слава во вeки вeков. Аминь.

⁶Чуждуся, яко тако скоро прелагаетеся от звавшаго вы благодатию Христовою, во ино благовeствование:

⁷еже нeсть ино, точию нeцыи суть смущающии вы и хотящии превратити благовeствование Христово.

⁸Но и аще мы, или ангел с небесе благовeстит вам паче, еже благовeстихом вам, анафема да будет.

⁹Якоже предрекохом, и нынe паки глаголю: аще кто вам благовeстит паче, еже приясте, анафема да будет.

¹⁰Нынe бо человeки препираю, или Бога, или ищу человeком угождати? Аще бо бых еще человeком угождал, Христов раб не бых убо был.

¹¹Сказую же вам, братие, благовeствование благовeщенное от мене, яко нeсть по человeку:

¹²ни бо аз от человeка приях е, ниже научихся, но явлением Иисус Христовым.

¹³Слышасте бо мое житие иногда в жидовствe, яко по премногу гоних церковь Божию и разрушах ю,

¹⁴и преспeвах в жидовствe паче многих сверстник моих в родe моем, излиха ревнитель сый отеческих моих преданий.

¹⁵Егда же благоволи Бог, избравый мя от чрева матере моея и призвавый благодатию своею,

¹⁶явити Сына своего во мнe, да благовeствую его во языцeх, абие не приложихся плоти и крови,

¹⁷ни взыдох во иерусалим к первeйшым мене апостолом, но идох во аравию, и паки возвратихся в дамаск.

¹⁸Потом же по триех лeтeх взыдох во иерусалим соглядати петра, и пребых у него дний пятьнадесять.

¹⁹Иного же от апостол не видeх, токмо иакова брата Господня.

²⁰А яже пишу вам, се пред Богом, яко не лгу.

²¹Потом же приидох в страны сирския и киликийския.

²²Бeх же не знаемь лицем церквам иудейским, яже о Христe,

²³точию же слышаще бяху, яко гоняй нас иногда, нынe благовeствует вeру, юже иногда разрушаше:

²⁴и славляху о мнe Бога.