Read Новый Завет на церковнославянском языке К Галатам 2 Bible Online

К Галатам 2 - Новый Завет на церковнославянском языке bible

К Галатам 2

¹Потом же по четыренадесяти лeтeх паки взыдох во иерусалим с варнавою, поем с собою и тита.

²Взыдох же по откровению, и предложих им благовeствование, еже проповeдую во языцeх, наединe же мнимым, да не како вотще теку, или текох.

³Но ни тит, иже со мною, еллин сый, нужден бысть обрeзатися.

⁴И за пришедшую лжебратию, иже привнидоша соглядати свободы нашея, юже имамы о Христe Иисусe, да нас поработят:

⁵имже ни к часу повинухомся в покорение, да истина благовeстия пребудет в вас.

⁶От мнящихся же быти что, якови нeкогда бeша, ничтоже ми разнствует: лица Бог человeча не приемлет. Мнe бо мнимии ничтоже привозложиша:

⁷но сопротивное, уразумeвше, яко увeрено ми бысть благовeстие необрeзания, якоже петру обрeзания:

⁸ибо споспeшествовавый петру в послание обрeзания, споспeшествова и мнe во языки:

⁹и познавше благодать данную ми, иаков и кифа и иоанн, мнимии столпи быти, десницы даша мнe и варнавe общения, да мы во языки, они же во обрeзание,

¹⁰точию нищих да помнима: еже и потщахся сие истое сотворити.

¹¹Егда же прииде петр во антиохию, в лице ему противустах, яко зазорен бe.

¹²Прежде бо даже не приити нeким от иакова, с языки ядяше: егда же приидоша, опряташеся и отлучашеся, бояся сущих от обрeзания.

¹³И лицемeришася с ним и прочии иудеи, яко и варнавe пристати лицемeрству их.

¹⁴Но егда видeх, яко не право ходят ко истинe благовeствования, рекох петру пред всeми: аще ты, иудей сый, язычески, а не иудейски живеши, почто языки нудиши иудейски жительствовати?

¹⁵Мы естеством иудее, а не от язык грeшницы:

¹⁶увeдeвше же, яко не оправдится человeк от дeл закона, но токмо вeрою Иисус Христовою, и мы во Христа Иисуса вeровахом, да оправдимся от вeры Христовы, а не от дeл закона: зане не оправдится от дeл закона всяка плоть.

¹⁷Аще ли, ищуще оправдитися о Христe, обрeтохомся и сами грeшницы, Христос убо грeху ли служитель? Да не будет.

¹⁸Аще бо, яже разорих, сия паки созидаю, преступника себе представляю.

¹⁹Аз бо законом закону умрох, да Богови жив буду. Христови сраспяхся:

²⁰живу же не ктому аз, но живет во мнe Христос. А еже нынe живу во плоти, вeрою живу Сына Божия, возлюбившаго мене и предавшаго себе по мнe.

²¹Не отметаю благодати Божия. Аще бо законом правда, убо Христос туне умре.