Read Новый Завет на церковнославянском языке К Галатам 3 Bible Online

К Галатам 3 - Новый Завет на церковнославянском языке bible

К Галатам 3

¹Q несмысленнии галате, кто вы прельстил есть не покоритися истинe, имже пред очима Иисус Христос преднаписан бысть, в вас распят?

²Сие едино хощу увeдeти от вас: от дeл ли закона духа приясте, или от слуха вeры?

³Тако ли несмысленни есте? наченше духом, нынe плотию скончаваете?

⁴Толика пострадасте туне? Аще точию и туне.

⁵Подаяй убо вам духа и дeйствуяй силы в вас, от дeл ли закона, или от слуха вeры?

⁶Якоже авраам вeрова Богу, и вмeнися ему в правду.

⁷Разумeйте убо, яко сущии от вeры, сии суть сынове авраамли.

⁸Предувидeвшее же писание, яко от вeры оправдает языки Бог, прежде благовeствова аврааму, яко благословятся о тебe вси языцы.

⁹Тeмже сущии от вeры, благословятся с вeрным авраамом:

¹⁰елицы бо от дeл закона суть, под клятвою суть. Писано бо есть: проклят всяк, иже не пребудет во всeх писанных в книзe законнeй, яко творити я.

¹¹А яко в законe никтоже оправдается от Бога, явe, яко праведный от вeры жив будет.

¹²Закон же нeсть от вeры: но сотворивый та человeк жив будет в них.

¹³Христос ны искупил есть от клятвы законныя, быв по нас клятва: писано бо есть: проклят всяк висяй на древe:

¹⁴да в языцeх благословение авраамле будет о Христe Иисусe, да обeтование духа приимем вeрою.

¹⁵Братие, по человeку глаголю: обаче человeческаго предутвержденна завeта никтоже отметает или приповелeвает.

¹⁶Аврааму же речени быша обeты, и сeмени его. Не глаголет же: и сeменем, яко о мнозeх, но яко о едином: и сeмени твоему, иже есть Христос.

¹⁷Сие же глаголю, завeта предутвержденнаго от Бога во Христа, бывый по лeтeх четыриста и тридесятих закон не отметает, во еже разорити обeтование.

¹⁸Аще бо от закона наслeдие, не ктому уже от обeтования: аврааму же обeтованием дарова Бог.

¹⁹Что убо закон? Преступлений ради приложися, дондеже приидет сeмя, емуже обeтовася, вчинен ангелы, рукою ходатая.

²⁰Ходатай же единаго нeсть, Бог же един есть.

²¹Закон ли убо противу обeтованием Божиим? Да не будет. Аще бо дан бысть закон могий оживити, воистинну от закона бы была правда:

²²но затвори писание всeх под грeхом, да обeтование от вeры Иисус Христовы дастся вeрующым.

²³Прежде же пришествия вeры, под законом стрегоми бeхом, затворени в хотящую вeру открытися.

²⁴Тeмже закон пeстун нам бысть во Христа, да от вeры оправдимся:

²⁵пришедшей же вeрe, уже не под пeстуном есмы.

²⁶Вси бо вы Сынове Божии есте вeрою о Христe Иисусe:

²⁷елицы бо во Христа крестистеся, во Христа облекостеся.

²⁸Нeсть иудей, ни еллин: нeсть раб, ни свободь: нeсть мужеский пол, ни женский: вси бо вы едино есте о Христe Иисусe.

²⁹Аще ли вы Христовы, убо авраамле сeмя есте, и по обeтованию наслeдницы.