Read Новый Завет на церковнославянском языке К Галатам 4 Bible Online

К Галатам 4 - Новый Завет на церковнославянском языке bible

К Галатам 4

¹Глаголю же: в елико время наслeдник млад есть, ничимже лучший есть раба, господь сый всeх:

²но под повелители и приставники есть даже до нарока отча.

³Такожде и мы, егда бeхом млади, под стихиами бeхом мира порабощени:

⁴Егда же прииде кончина лeта, посла Бог Сына своего единороднаго, раждаемаго от жены, бываема под законом,

⁵да подзаконныя искупит, да всыновление восприимем.

⁶И понеже есте Сынове, посла Бог духа Сына своего в сердца ваша, вопиюща: авва Отче.

⁷Тeмже уже нeси раб, но сын: аще ли же сын, и наслeдник Божий Иисус Христом.

⁸Но тогда убо, не вeдуще Бога, служисте не по естеству сущым богом:

⁹нынe же, познавше Бога, паче же познани бывше от Бога, како возвращаетеся паки на немощныя и худыя стихии, имже паки свыше (вспять) служити хощете?

¹⁰дни смотряете, и мeсяцы, и времена, и лeта.

¹¹Боюся о вас, еда како всуе трудихся в вас.

¹²Будите якоже аз, зане и аз, якоже вы: братие, молю вы. Ничимже мене обидeсте:

¹³вeсте же, яко за немощь плоти благовeстих вам первeе.

¹⁴и искушения моего, еже во плоти моей, не уничижисте, ни оплевасте, но якоже ангела Божия приясте мя, яко Христа Иисуса.

¹⁵Кое убо бяше блаженство ваше, свидeтельствую бо вам, яко, аще бы было мощно, очеса ваша извертeвше дали бысте ми.

¹⁶Тeмже враг вам бых, истину вам глаголя?

¹⁷Ревнуют по вас не добрe, но отлучити вас хотят, да им ревнуете.

¹⁸Добро же, еже ревновати всегда в добрeм, и не точию внегда приходити ми к вам.

¹⁹Чадца моя, имиже паки болeзную, дондеже вообразится Христос в вас:

²⁰хотeл же бых приити к вам нынe и измeнити глас мой, яко не домышляюся о вас.

²¹Глаголите ми, иже под законом хощете быти: закона ли не слушаете?

²²Писано бо есть, яко авраам два сына имe: единаго от рабы, а другаго от свободныя.

²³Но иже от рабы, по плоти родися: а иже от свободныя, по обeтованию.

²⁴Яже суть иносказаема: сия бо еста два завeта: един убо от горы синайския, в работу раждаяй, иже есть агарь:

²⁵агарь бо, сина гора есть во аравии, прилагается же нынeшнему иерусалиму, работает же с чады своими:

²⁶а вышний иерусалим свободь есть, иже есть мати всeм нам.

²⁷Писано бо есть: возвеселися, неплоды, не раждающая: расторгни и возопи, неболящая: яко многа чада пустыя паче, нежели имущия мужа.

²⁸Мы же, братие, по исааку обeтования чада есмы.

²⁹Но якоже тогда по плоти родивыйся гоняше духовнаго, тако и нынe.

³⁰Но что глаголет писание? Изжени рабу и сына ея, не имать бо наслeдовати сын рабынин с сыном свободныя.

³¹Тeмже, братие, нeсмы рабынина чада, но свободныя.