Read Новый Завет на церковнославянском языке К Галатам 5 Bible Online

К Галатам 5 - Новый Завет на церковнославянском языке bible

К Галатам 5

¹Свободою убо, еюже Христос нас свободи, стойте, и не паки под игом работы держитеся.

²Се аз павел глаголю вам, яко аще обрeзаетеся, Христос вас ничтоже пользует.

³Свидeтельствую же паки всякому человeку обрeзающемуся, яко должен есть весь закон творити.

⁴Упразднистеся от Христа, иже законом оправдаетеся, от благодати отпадосте:

⁵мы бо духом от вeры упования правды ждем.

⁶О Христe бо Иисусe ни обрeзание что может, ни необрeзание, но вeра любовию поспeшествуема.

⁷Течасте добрe: кто вам возбрани не покарятися истинe?

⁸Препрeние не от призвавшаго вы.

⁹Мал квас все смeшение квасит.

¹⁰Аз надeюся о вас в Господe, яко ничтоже ино разумeти будете: смущаяй же вас понесет грeх, кто бы ни был.

¹¹Аз же, братие, аще обрeзание еще проповeдую, почто еще гонимь есмь? убо упразднися соблазн креста.

¹²Q, дабы отсeчени были развращающии вас.

¹³Вы бо на свободу звани бысте, братие: точию да не свобода ваша в вину плоти, но любовию работайте друг другу.

¹⁴Ибо вес закон в единeм словеси исполняется, во еже: возлюбиши ближняго твоего якоже себе.

¹⁵Аще же друг друга угрызаете и снeдаете, блюдитеся, да не друг от друга истреблени будете.

¹⁶Глаголю же: духом ходите, и похоти плотския не совершайте:

¹⁷плоть бо похотствует на духа, дух же на плоть: сия же друг другу противятся, да не яже хощете, сия творите.

¹⁸Аще ли духом водими есте, нeсте под законом.

¹⁹Явлена же суть дeла плотская, яже суть прелюбодeяние, блуд, нечистота, студодeяние,

²⁰идолослужение, чародeяния, вражды, рвения, завиды, ярости, разжжения, распри, соблазны, ереси,

²¹зависти, убийства, пиянства, безчинни кличи и подобная сим: яже предглаголю вам, якоже и предрекох, яко таковая творящии царствия Божия не наслeдят.

²²Плод же духовный есть любы, радость, мир, долготерпeние, благость, милосердие, вeра,

²³кротость, воздержание: на таковых нeсть закона.

²⁴А иже Христовы суть, плоть распяша со страстьми и похотьми.

²⁵Аще живем духом, духом и да ходим.

²⁶Не бываим тщеславни, друг друга раздражающе, друг другу завидяще.