Read Новый Завет на церковнославянском языке К Галатам 6 Bible Online

К Галатам 6 - Новый Завет на церковнославянском языке bible

К Галатам 6

¹Братие, аще и впадет человeк в нeкое прегрeшение, вы духовнии исправляйте таковаго духом кротости: блюдый себе, да не и ты искушен будеши.

²Друг друга тяготы носите, и тако исполните закон Христов.

³Аще бо кто мнит себе быти что, ничтоже сый, умом льстит себе.

⁴Дeло же свое да искушает кийждо, и тогда в себe точию хваление да имать, а не во инeм:

⁵кийждо бо свое бремя понесет.

⁶Да общается же учяйся словеси учащему во всeх благих.

⁷Не льститеся: Бог поругаемь не бывает. Еже бо аще сeет человeк, тожде и пожнет:

⁸яко сeяи в плоть свою, от плоти пожнет истлeние: а сeяи в дух, от духа пожнет живот вeчный.

⁹Доброе же творяще, да не стужаем си: во время бо свое пожнем, не ослабeюще.

¹⁰Тeмже убо, дондеже время имамы, да дeлаим благое ко всeм, паче же к присным в вeрe.

¹¹Видите, колицeми книгами писах вам моею рукою.

¹²Елицы хотят хвалитися по плоти, сии нудят вы обрeзатися, точию да не креста ради Христова гоними будут:

¹³ни бо обрeзающиися сами закон хранят, но хотят вам обрeзоватися, да в вашей плоти похвалятся:

¹⁴мнe же да не будет хвалитися, токмо о крестe Господа нашего Иисуса Христа, имже мнe мир распятся, и аз миру.

¹⁵О Христe бо Иисусe ни обрeзание что может, ни необрeзание, но нова тварь.

¹⁶И елицы правилом сим жительствуют, мир на них и милость, и на израили Божии.

¹⁷Прочее, труды да никтоже ми дает: аз бо язвы Господа Иисуса на тeлe моем ношу.

¹⁸Благодать Господа нашего Иисуса Христа со духом вашим, братие. Аминь.