Read Новый Завет на церковнославянском языке К Ефесянам 1 Bible Online

К Ефесянам 1 - Новый Завет на церковнославянском языке bible

К Ефесянам 1

¹Павел, посланник Иисус Христов волею Божиею, святым сущым во ефесe и вeрным о Христe Иисусe:

²благодать вам и мир от Бога Отца нашего и Господа Иисуса Христа.

³Благословен Бог и Отец Господа нашего Иисуса Христа, благословивый нас всяцeм благословением духовным в небeсных о Христe.

⁴якоже избра нас в нем прежде сложения мира, быти нам святым и непорочным пред ним в любви,

⁵прежде нарек нас во усыновление Иисус Христом в него, по благоволению хотeния своего,

⁶в похвалу славы благодати своея, еюже облагодати нас о Возлюбленнeм:

⁷о немже имамы избавление кровию его, и оставление прегрeшении, по богатству благодати его,

⁸юже преумножил есть в нас во всяцeй премудрости и разумe,

⁹сказав нам тайну воли своея по благоволению своему, еже прежде положи в нем,

¹⁰в смотрение исполнения времен, возглавити всяческая о Христe, яже на небесeх и яже на земли в нем:

¹¹в немже и наслeдницы сотворихомся, прежде наречени бывше по прозрeнию Божию вся дeйствующаго по совeту воли своея,

¹²яко быти нам в похваление славы его, прежде уповавшым во Христа:

¹³в немже и вы, слышавше слово истины, благовeствование спасeния нашего, в немже и вeровавше знаменастеся духом обeтования святым,

¹⁴иже есть обручение наслeдия нашего, во избавление снабдeния, в похвалу славы его.

¹⁵Сего ради и аз слышав вашу вeру о Христe Иисусe и любовь, яже ко всeм святым,

¹⁶не престаю благодаря о вас, поминание о вас творя в молитвах моих,

¹⁷да Бог Господа нашего Иисуса Христа, Отец славы, даст вам духа премудрости и откровения, в познание его,

¹⁸просвeщенна очеса сердца вашего, яко увeдeти вам, кое есть упование звания его, и кое богатство славы достояния его во святых,

¹⁹и кое преспeющее величество силы его в нас вeрующих по дeйству державы крeпости его,

²⁰юже содeя о Христe, воскресив его от мертвых и посадив одесную себе на небeсных,

²¹превыше всякаго началства и власти и силы и господства, и всякаго имене именуемаго не точию в вeцe сем, но и во грядущем:

²²и вся покори под нозe его, и того даде главу выше всeх церкви,

²³яже есть тeло его, исполнение исполняющаго всяческая во всeх.