Read Новый Завет на церковнославянском языке К Ефесянам 2 Bible Online

К Ефесянам 2 - Новый Завет на церковнославянском языке bible

К Ефесянам 2

¹И вас сущих прегрeшеньми мертвых и грeхи вашими,

²в нихже иногда ходисте по вeку мира сего, по князю власти воздушныя, духа, иже нынe дeйствует в сынeх противления,

³в нихже и мы вси жихом иногда в похотех плоти нашея, творяще волю плоти и помышлений, и бeхом естеством чада гнeва, якоже и прочии:

⁴Бог же, богат сый в милости, за премногую любовь свою, еюже возлюби нас,

⁵и сущих нас мертвых прегрeшеньми, сооживи Христом: благодатию есте спасени:

⁶и с ним воскреси, и спосади на небeсных во Христe Иисусe,

⁷да явит в вeцeх грядущих презeлное богатство благодати своея благостынею на нас о Христe Иисусe.

⁸Благодатию бо есте спасени чрез вeру: и сие не от вас, Божии дар:

⁹не от дeл, да никтоже похвалится.

¹⁰Того бо есмы творение, создани во Христe Иисусe на дeла благая, яже прежде уготова Бог, да в них ходим.

¹¹Тeмже поминайте, яко вы, иже иногда языцы во плоти, глаголемии необрeзание от рекомаго обрeзания во плоти, рукотвореннаго,

¹²яко бeсте во время оно без Христа, отчуждени жития израилева и чужди от завeт обeтования, упования не имуще и безбожни в мирe:

¹³нынe же о Христe Иисусe вы, бывшии иногда далече, близ бысте кровию Христовою.

¹⁴Той бо есть мир наш, сотворивый обоя едино, и средостeние ограды разоривый,

¹⁵вражду плотию своею, закон заповeдий ученьми упразднив, да оба созиждет собою во единаго новаго человeка, творя мир,

¹⁶и примирит обоих во единeм тeлe Богови крестом, убив вражду на нем:

¹⁷и пришед благовeсти мир вам, дальним и ближним,

¹⁸зане тeм имамы приведение обои во единeм дусe ко Отцу.

¹⁹Тeмже убо ктому нeсте странни и пришелцы, но сожителе святым и приснии Богу,

²⁰наздани бывше на основании апостол и пророк, сущу краеугольну самому Иисусу Христу,

²¹о немже всяко создание составляемо растет в церковь святую о Господe:

²²о немже и вы созидаетеся в жилище Божие духом.