Read Новый Завет на церковнославянском языке К Ефесянам 3 Bible Online

К Ефесянам 3 - Новый Завет на церковнославянском языке bible

К Ефесянам 3

¹Сего ради аз павел юзник Иисус Христов о вас языцeх.

²Аще убо (понеже) слышасте смотрение благодати Божия данныя мнe в вас,

³яко по откровению сказася мнe тайна, якоже преднаписах вмалe:

⁴о немже (поелику) можете чтуще разумeти разум мой в тайнe Христовe,

⁵яже во инeх родeх не сказася сыном человeческим, якоже нынe открыся святым его апостолом и пророком духом святым:

⁶яко быти языком снаслeдником и стeлесником и спричастником обeтования его о Христe Иисусe, благовeствованием,

⁷емуже бых служитель по дару благодати Божия, данныя мнe по дeйству силы его.

⁸Мнe меншему всeх святых дана бысть благодать сия, во языцeх благовeстити неизслeдованное богатство Христово

⁹и просвeтити всeх, что есть смотрение тайны сокровенныя от вeков в Бозe, создавшем всяческая Иисус Христом,

¹⁰да скажется нынe началом и властем на небeсных церковию многоразличная премдрость Божия,

¹¹по предложению вeк, еже сотвори о Христe Иисусe Господe нашем,

¹²о немже имамы дерзновение и приведение в надeянии вeрою его.

¹³Тeмже молю вы не стужати си в скорбех моих о вас, яже есть слава ваша.

¹⁴Сего ради преклоняю колeна моя ко Отцу Господа нашего Иисуса Христа,

¹⁵из негоже всяко отечество на небесeх и на земли именуется:

¹⁶да даст вам по богатству славы своея, силою утвердитися духом его во внутреннем человeцe,

¹⁷вселитися Христу вeрою в сердца ваша: в любви вкоренени и основани,

¹⁸да возможете разумeти со всeми святыми, что широта и долгота и глубина и высота,

¹⁹разумeти же преспeющую разум любовь Христову, да исполнитеся во всяко исполнение Божие.

²⁰Могущему же паче вся творити по преизбыточествию, ихже просим или разумeем, по силe дeйствуемeй в нас,

²¹тому слава в церкви о Христe Иисусe во вся роды вeка вeков. Аминь.