Read Новый Завет на церковнославянском языке К Ефесянам 4 Bible Online

К Ефесянам 4 - Новый Завет на церковнославянском языке bible

К Ефесянам 4

¹Молю убо вас аз юзник о Господe, достойно ходити звания, в неже звани бысте,

²со всяким смиреномудрием и кротостию, с долготерпeнием, терпяще друг другу любовию,

³тщащеся блюсти единение духа в союзe мира.

⁴Едино тeло, един дух, якоже и звани бысте во единeм уповании звания вашего:

⁵един Господь, едина вeра, едино крещение,

⁶един Бог и Отец всeх, иже над всeми и чрез всeх и во всeх нас.

⁷Единому же комуждо нас дадеся благодать по мeрe дарования Христова.

⁸Тeмже глаголет: возшед на высоту, плeнил еси плeн, и даде даяния человeком.

⁹А еже, взыде, что есть, точию яко и сниде прежде в долнeйшыя страны земли?

¹⁰Сшедый, той есть и возшедый превыше всeх небес, да исполнит всяческая.

¹¹И той дал есть овы убо апостолы, овы же пророки, овы же благовeстники, овы же пастыри и учители,

¹²к совершению святых, в дeло служения, в созидание тeла Христова,

¹³дондеже достигнем вси в соединение вeры и познания Сына Божия, в мужа совершенна, в мeру возраста исполнения Христова:

¹⁴да не бываем ктому младенцы, влающеся и скитающеся всяким вeтром учения, во лжи человeчестeй, в коварствe козней льщения:

¹⁵истинствующе же в любви, да возрастим в него всяческая, иже есть Глава Христос,

¹⁶из негоже все тeло, составляемо и счинeваемо приличнe всяцeм осязанием подаяния, по дeйству в мeрe единыя коеяждо части, возращение тeла творит в создание самаго себе любовию.

¹⁷Сие убо глаголю и послушествую о Господe, ктому не ходити вам, якоже и прочии языцы ходят в суетe ума их,

¹⁸помрачени смыслом, суще отчуждени от жизни Божия, за невeжество сущее в них, за окаменение сердец их:

¹⁹иже в нечаяние вложшеся, предаша себе студодeянию, в дeлание всякия нечистоты в лихоимании.

²⁰Вы же не тако познасте Христа:

²¹аще убо (понеже) слышасте его и о нем научистеся, якоже есть истина о Иисусe:

²²отложити вам, по первому житию, ветхаго человeка, тлeющаго в похотех прелестных,

²³обновлятися же духом ума вашего,

²⁴и облещися в новаго человeка, созданнаго по Богу в правдe и в преподобии истины.

²⁵Тeмже отложше лжу, глаголите истину кийждо ко искреннему своему. зане есмы друг другу удове.

²⁶Гнeвайтеся и не согрeшайте: солнце да не зайдет в гнeвe вашем:

²⁷ниже дадите мeста диаволу.

²⁸Крадый ктому да не крадет, но паче да труждается, дeлая своима рукама благое, да имать подаяти требующему.

²⁹Всяко слово гнило да не исходит из уст ваших, но точию еже есть благо к созданию вeры, да даст благодать слышащым.

³⁰И не оскорбляйте духа святаго Божия, имже знаменастеся в день избавления.

³¹Всяка горесть, и гнeв, и ярость, и кличь, и хула да возмется от вас, со всякою злобою:

³²бывайте же друг ко другу блази, милосерди, прощающе друг другу, якоже и Бог во Христe простил есть вам.