Read Новый Завет на церковнославянском языке К Ефесянам 5 Bible Online

К Ефесянам 5 - Новый Завет на церковнославянском языке bible

К Ефесянам 5

¹Бывайте убо подражатели Богу, якоже чада возлюбленная,

²и ходите в любви, якоже и Христос возлюбил есть нас, и предаде себе за ны приношение и жертву Богу в воню благоухания.

³Блуд же и всяка нечистота и лихоимство ниже да именуется в вас, якоже подобает святым:

⁴и сквернословие, и буесловие, или кощуны, яже неподобная, но паче благодарение:

⁵сие бо да вeсте, яко всяк блудник, или нечист, или лихоимец, иже есть идолослужитель, не имать достояния в царствии Христа и Бога.

⁶Никтоже вас да льстит суетными словесы, сих бо ради грядет гнeв Божий на сыны непокоривыя.

⁷Не бывайте убо сопричастницы сим.

⁸Бeсте бо иногда тма, нынe же свeт о Господe: якоже чада свeта ходите:

⁹плод бо духовный есть во всяцeй благостыни и правдe и истинe:

¹⁰искушающе, что есть благоугодно Богови:

¹¹и не приобщайтеся к дeлом неплодным тмы, паче же и обличайте.

¹²Бываемая бо отай от них, срамно есть и глаголати.

¹³Вся же обличаемая от свeта являются, все бо являемое свeт есть:

¹⁴сего ради глаголет: востани, спяй, и воскресни от мертвых, и освeтит тя Христос.

¹⁵Блюдите убо, како опасно ходите, не якоже немудри, но якоже премудри,

¹⁶искупующе время, яко дние лукави суть.

¹⁷Сего ради не бывайте несмысленни, но разумeвайте, что есть воля Божия.

¹⁸И не упивайтеся вином, в немже есть блуд: но паче исполняйтеся духом,

¹⁹глаголюще себe во псалмeх и пeниих и пeснех духовных, воспeвающе и поюще в сердцах ваших Господеви,

²⁰благодаряще всегда о всeх о имени Господа нашего Иисуса Христа Богу и Отцу,

²¹повинующеся друг другу в страсe Божии.

²²Жены, своим мужем повинуйтеся, якоже Господу,

²³зане муж глава есть жены, якоже и Христос глава церкве, и той есть спаситель тeла:

²⁴но якоже церковь повинуется Христу, такожде и жены своим мужем во всем.

²⁵Мужие, любите своя жены, якоже и Христос возлюби церковь, и себе предаде за ню,

²⁶да освятит ю, очистив банею водною в глаголe:

²⁷да представит ю себe славну церковь, не имущу скверны, или порока, или нeчто от таковых, но да будет свята и непорочна.

²⁸Тако должни суть мужие любити своя жены, яко своя тeлеса: любяй бо свою жену, себе самаго любит.

²⁹Никтоже бо когда свою плоть возненавидe, но питает и грeет ю, якоже и Господь церковь:

³⁰зане уди есмы тeла его, от плоти его и от костей его.

³¹Сего ради оставит человeк отца своего и матерь, и прилeпится к женe своей, и будета два в плоть едину.

³²Тайна сия велика есть: аз же глаголю во Христа и во церковь.

³³Обаче и вы, по единому кийждо свою жену сице да любит, якоже и себе: а жена да боится своего мужа.