Read Новый Завет на церковнославянском языке К Ефесянам 6 Bible Online

К Ефесянам 6 - Новый Завет на церковнославянском языке bible

К Ефесянам 6

¹Чада, послушайте своих родителей о Господe: сие бо есть праведно.

²Чти отца твоего и матерь: яже есть заповeдь первая во обeтовании:

³да благо ти будет, и будеши долголeтен на земли.

⁴И отцы, не раздражайте чад своих, но воспитовайте их в наказании и учении Господни.

⁵Раби, послушайте господий своих по плоти со страхом и трепетом, в простотe сердца вашего, якоже и Христа,

⁶не пред очима точию работающе яко человeкоугодницы, но якоже раби Христовы, творяще волю Божию от души,

⁷со благоразумием служаще якоже Господу, а не яко человeком,

⁸вeдяще, яко кийждо, еже аще сотворит благое, сие приимет от Господа, аще раб, аще свободь.

⁹И господие, таяжде творите к ним, послабляюще им прещения, вeдуще, яко и вам самeм и тeм Господь есть на небесeх, и обиновения лица нeсть у него.

¹⁰Прочее же, братие моя, возмогайте во Господe и в державe крeпости его:

¹¹облецытеся во вся оружия Божия, яко возмощи вам стати противу кознем диаволским,

¹²яко нeсть наша брань к (противу) крови и плоти, но к началом, и ко властем, и к миродержителем тмы вeка сего, к духовом злобы поднебесным.

¹³Сего ради приимите вся оружия Божия, да возможете противитися в день лют и вся содeявше стати.

¹⁴Станите убо препоясани чресла ваша истиною, и оболкшеся в броня правды,

¹⁵и обувше нозe во уготование благовeствования мира:

¹⁶над всeми же восприимше щит вeры, в немже возможете вся стрeлы лукаваго разжженныя угасити:

¹⁷и шлем спасeния восприимите, и мечь духовныи, иже есть глагол Божий:

¹⁸всякою молитвою и молением молящеся на всяко время духом, и в сие истое бдяще во всяком терпeнии и молитвe о всeх святых

¹⁹и о мнe, да дастся ми слово во отверзение уст моих, с дерзновением сказати тайну благовeствования,

²⁰о немже посолствую во узах, да в нем дерзаю, якоже подобает ми глаголати.

²¹Да увeсте же и вы, яже о мнe, что дeлаю, вся скажет вам тихик, возлюбленныи брат и вeрен служитель о Господe,

²²егоже послах к вам на сие истое, да увeсте, яже о нас, и да утeшит сердца ваша.

²³Мир братии и любовь с вeрою от Бога Отца и Господа Иисуса Христа.

²⁴Благодать со всeми любящими Господа нашего Иисуса Христа в неистлeнии. Аминь.