Read Новый Завет на церковнославянском языке К Филиппийцам 1 Bible Online

К Филиппийцам 1 - Новый Завет на церковнославянском языке bible

К Филиппийцам 1

¹Павел и тимофей, раби Иисус Христовы, всeм святым о Христe Иисусe сущым в филиппeх, с епископы и диаконы:

²благодать вам и мир от Бога Отца нашего и Господа Иисуса Христа.

³Благодарю Бога моего о всей памяти вашей,

⁴всегда во всяцeй молитвe моей за всeх вас с радостию молитву мою творя,

⁵о общении вашем в благовeствование от перваго дне даже и донынe,

⁶надeявся на сие истое, яко начный дeло благо в вас совершит е даже до дне Иисус Христова:

⁷якоже есть праведно мнe сие мудрствовати о всeх вас, за еже имeти ми в сердцы вас, во узах моих и во отвeтe и извeщении благовeстия, сообщников мнe благодати всeх вас сущих.

⁸Свидeтель бо ми есть Бог, яко люблю всeх вас по милости Иисус Христовe (утробою Иисус Христовою):

⁹и о сем молюся, да любовь ваша еще паче и паче избыточествует в разумe и во всяцeм чувствии,

¹⁰во еже искушати вам лучшая, да будете чисти и непреткновенни в день Христов,

¹¹исполнени плодов правды Иисус Христом, в славу и похвалу Божию.

¹²Разумeти же хощу вам, братие, яко яже о мнe паче во успeх благовeствования приидоша,

¹³яко узы моя явленны о Христe быша во всем судищи и в прочих всeх,

¹⁴и множайшии братия о Господe, надeявшиися о узах моих, паче дерзают без страха слово Божие глаголати.

¹⁵Нeцыи убо по зависти и ревности, друзии же и за благоволение Христа проповeдают:

¹⁶ови убо от рвения Христа возвeщают нечистe, мняще печаль нанести узам моим:

¹⁷ови же от любве, вeдяще, яко во отвeтe благовeствования лежу (во отвeт благовeствования учинен есмь).

¹⁸Что убо? Обаче всяцeм образом, аще виною (лицемeрием), аще истиною Христос проповeдаемь есть, и о сем радуюся, но и возрадуюся:

¹⁹вeм бо, яко сие сбудется ми во спасeние вашею молитвою и подаянием духа Иисус Христова,

²⁰по чаянию и упованию моему, яко ни о единeм же постыжуся, но во всяцeм дерзновении, якоже всегда, и нынe возвеличится Христос в тeлe моем, аще животом, аще ли смертию.

²¹Мнe бо еже жити, Христос, и еже умрети, приобрeтение (есть).

²²Аще же, еже жити (ми) тeлом, сие мнe плод дeла: и что изволю, не вeм.

²³Обдержимь же есмь от обою, желание имый разрeшитися и со Христом быти, много паче лучше:

²⁴а еже пребывати во плоти, нужнeйше (есть) вас ради.

²⁵И сие извeстнe вeм, яко буду и спребуду вам всeм в ваш успeх и радость вeры,

²⁶яко да похвала ваша избыточествует о Христe Иисусe во мнe, моим пришествием паки к вам.

²⁷Точию достойнe благовeствованию Христову жителствуйте, да аще пришед и видeв вас, аще и не сый у вас, услышу яже о вас, яко (истиною) стоите во единeм дусe, и единодушнe сподвизающеся по вeрe благовeствования (волею),

²⁸и не колеблющеся ни о единeм же от сопротивных: еже тeм убо есть явление погибели, вам же спасeния. И сие от Бога:

²⁹яко вам даровася, еже о Христe, не токмо еже в него вeровати, но и еже по нем страдати,

³⁰тойже подвиг имуще, яков же во мнe видeсте и нынe слышите о мнe.