Read Новый Завет на церковнославянском языке К Филиппийцам 2 Bible Online

К Филиппийцам 2 - Новый Завет на церковнославянском языке bible

К Филиппийцам 2

¹Аще убо кое утeшение о Христe, (или) аще кая утeха любве, аще кое общение духа, аще кое милосердие и щедроты,

²исполните мою радость, да тожде мудрствуете, ту же любовь имуще, единодушни, единомудренни:

³ничтоже по рвению или тщеславию, но смиреномдрием друг друга честию болша себе творяще.

⁴Не своих си кийждо, но и дружних кийждо смотряйте.

⁵Сие бо да мудрствуется в вас, еже и во Христe Иисусe:

⁶иже, во образe Божии сый, не восхищением непщева быти равен Богу:

⁷но себе умалил (истощил), зрак раба приим, в подобии человeчестeм быв, и образом обрeтеся якоже человeк:

⁸смирил себе, послушлив быв даже до смерти, смерти же крестныя.

⁹Тeмже и Бог его превознесе и дарова ему имя, еже паче всякаго имене,

¹⁰да о имени Иисусовe всяко колeно поклонится небeсных и земных и преисподних,

¹¹и всяк язык исповeсть, яко Господь Иисус Христос в славу Бога Отца.

¹²Тeмже, возлюбленнии мои, якоже всегда послушасте мене, не якоже в пришествии моем точию, но нынe много паче во отшествии моем, со страхом и трепетом свое спсние содeвайте:

¹³Бог бо есть дeйствуяй в вас и еже хотeти и еже дeяти о благоволении.

¹⁴Вся творите без роптания и размышления,

¹⁵да будете неповинни и цeли, чада Божия непорочна посредe рода строптива и развращена, в нихже являетеся якоже свeтила в мирe,

¹⁶слово животно придержаще, в похвалу мнe в день Христов, яко не вотще текох, ни вотще трудихся.

¹⁷Но аще и жрен бываю о жертвe и службe вeры вашея, радуюся и сорадуюся всeм вам:

¹⁸такожде и вы радуйтеся и сорадуйтеся мнe.

¹⁹Уповаю же о Господe Иисусe тимофеа вскорe послати к вам, да и аз благодушствую, увeдeв яже о вас.

²⁰Ни единаго бо имам равнодушна, иже приснeе о вас попечется:

²¹вси бо своих си ищут, (а) не яже Христа Иисуса.

²²Искусство же его знаете, зане якоже отцу чадо, со мною поработал в благовeстии.

²³Сего же убо уповаю послати абие, повнегда увeм яже о мнe.

²⁴Надeюся же о Господe, яко и сам скоро прииду к вам.

²⁵Потребнeе же возмнeх епафродита брата и споспeшника и своинника моего, вашего же посланника и служителя потребe моей, послати к вам,

²⁶понеже желанием желаше видeти всeх вас, и тужаше, зане слышасте, яко болe.

²⁷Ибо болe близ смерти: но Бог помилова его, не его же токмо, но и мене, да не скорбь на скорбь прииму.

²⁸Скорeе убо послах его, да видeвше его паки, возрадуетеся, и аз безпечален пребуду.

²⁹Приимите убо его о Господe со всякою радостию, и таковыя честны имeйте,

³⁰зане за дeло Христово даже до смерти приближися, понудив себе вседушно (презрeв душу свою), да исполнит ваше лишение службы яже ко мнe.