Read Новый Завет на церковнославянском языке К Филиппийцам 3 Bible Online

К Филиппийцам 3 - Новый Завет на церковнославянском языке bible

К Филиппийцам 3

¹Прочее же, братие моя, радуйтеся о Господe. Таяжде (бо) писати вам, мнe убо нелeностно, вам же твердо.

²Блюдитеся от псов, блюдитеся от злых дeлателей, блюдитеся от сeчения:

³мы бо есмы обрeзание, иже духом Богу служим и хвалимся о Христe Иисусe, а не в плоти надeемся:

⁴ибо и аз имeю надeяние такожде во плоти. Аще кто ин мнит надeятися во плоти, аз паче,

⁵обрeзан осмодневно, от рода Израилева, колeна вениаминова, евреин от еврей, по закону фарисей,

⁶по ревности гоних церковь Божию, по правдe законнeй быв непорочен.

⁷Но яже ми бяху приобрeтения, сия вмeних Христа ради тщету.

⁸Но убо вмeняю вся тщету быти за превосходящее разумeние Христа Иисуса Господа моего, егоже ради всeх отщетихся, и вмeняю вся уметы быти, да Христа приобрящу

⁹и обрящуся в нем, не имый моея правды, яже от закона, но яже вeрою (Иисус) Христовою, сущую от Бога правду в вeрe:

¹⁰яко (еже) разумeти его, и силу воскресeния его, и сообщение страстей его, сообразуяся смерти его,

¹¹аще како достигну в воскресeние мертвых.

¹²Не зане уже достигох, или уже совершихся: гоню же, аще и постигну, о немже и постижен бых от Христа Иисуса.

¹³Братие, аз себе не у помышляю достигша: едино же, задняя убо забывая, в предняя же простираяся,

¹⁴со усердием гоню (к намeренному теку), к почести вышняго звания Божия о Христe Иисусe.

¹⁵Елицы убо совершенни, сие да мудрствуим: и еже аще ино что мыслите, и сие Бог вам открыет.

¹⁶Обаче в неже достигохом, тоже да мудрствуем и тeмже правилом жителтвуем.

¹⁷Подобни ми бывайте, братие, и смотряйте тако ходящыя, якоже имате образ нас.

¹⁸Мнози бо ходят, ихже многажды глаголах вам, нынe же и плачя глаголю, враги креста Христова:

¹⁹имже кончина погибель, имже бог чрево, и слава в студe их, иже земная мудрствуют.

²⁰Наше бо житие на небесeх есть, отонудуже и спасителя ждем, Господа (нашего) Иисуса Христа,

²¹иже преобразит тeло смирения нашего, яко быти сему сообразну тeлу славы его, по дeйству еже возмогати ему и покорити себe всяческая.