Read Новый Завет на церковнославянском языке К Филиппийцам 4 Bible Online

К Филиппийцам 4 - Новый Завет на церковнославянском языке bible

К Филиппийцам 4

¹Тeмже, братие моя возлюбленная и вожделeнная, радосте и вeнче мой, тако стойте о Господe, возлюбленнии.

²Еводию молю и синтихию молю тожде мудрствовати о Господe:

³ей, молю и тебе, супружниче присный, споспeшествуй им, яже во благовeствовании сподвизашася со мною и с климентом и с прочими споспeшники моими, ихже имена в книгах животных.

⁴Радуйтеся всегда о Господe: и паки реку: радуйтеся.

⁵Кротость ваша разумна да будет всeм человeком. Господь близ.

⁶Ни о чемже пецытеся, но во всем молитвою и молением со благодарением прошения ваша да сказуются к Богу:

⁷и мир Божий, превосходяй всяк ум, да соблюдет сердца ваша и разумeния ваша о Христe Иисусe.

⁸Прочее же, братие (моя), елика суть истинна, елика чт(с)на, елика првдна, елика пречеста, елика прелюбезна, елика доброхвальна, аще кая добродeтель и аще кая похвала, сия помышляйте.

⁹Имже и научистеся, и приясте, и слышасте, и видeсте во мнe, сия творите: и Бог мира будет с вами.

¹⁰Возрадовахся же о Господe вельми, яко уже когда воспомянусте пещися о мнe: понеже и печастеся, но непогодным (неудобным) временем обдержастеся.

¹¹Не яко по скудости глаголю: аз бо навыкох, в нихже есмь, доволен быти:

¹²вeм и смиритися, вeм и избыточествовати: во всем и во всeх навыкох, и насыщатися и алкати, и избыточествовати и лишатися.

¹³Вся могу о укрeпляющем мя (Иисусe) Христe.

¹⁴Обаче добрe сотвористе, сприобщившеся печали моей.

¹⁵Вeсте же и вы, филипписиане, яко в началe благовeствования, егда изыдох от македонии, ни едина ми церковь общевася в слово даяния и приятия, точию вы едини:

¹⁶яко и в солунь и единою и дващи в требование (мое) посласте ми.

¹⁷Не яко ищу даяния, но ищу плода множащагося в слово ваше (в пользу вашу).

¹⁸Приях же вся и избыточествую: исполнихся, приемь от епафродита посланная от вас, воню благоухания, жертву приятну, благоугодну Богу.

¹⁹Бог же мой да исполнит всякое требование ваше по богатству своему в славe, о Христe Иисусe.

²⁰Богу же и Отцу нашему слава во вeки вeков. Аминь.

²¹Цeлуйте всякаго свята о Христe Иисусe. Цeлуют вы сущая со мною братия.

²²Цeлуют вы святии вси, паче же иже от кесарева дому.

²³Благодать Господа нашего Иисуса Христа со всeми вами. Аминь.