Read Новый Завет на церковнославянском языке К Колоссянам 1 Bible Online

К Колоссянам 1 - Новый Завет на церковнославянском языке bible

К Колоссянам 1

¹Павел, апостол Иисус Христов волею Божиею, и тимофей брат,

²сущым в колоссаех святым и вeрным братиям о Христe Иисусe:

³благодать вам и мир от Бога Отца нашего, и Господа Иисуса Христа. Благодарим Бога и Отца Господа нашего Иисуса Христа, всегда о вас молящеся,

⁴слышавше вeру вашу, яже о Христe Иисусe, и любовь, юже имате ко всeм святым,

⁵за упование отложенное вам на небесeх, еже прежде слышасте в словеси истины благовeствования,

⁶сущаго в вас, якоже и во всем мирe: и есть плодоносно и растимо, якоже и в вас, от негоже дне слышасте и разумeсте благодать Божию во истинe:

⁷якоже и увeдeсте от епафраса, возлюбленнаго соработника нашего, иже есть вeрен о вас служитель Христов,

⁸иже и яви нам вашу любовь в дусe.

⁹Сего ради и мы, от негоже дне слышахом, не престаем о вас молящеся и просяще, да исполнитеся в разумe воли его, во всяцeй премудрости и разумe духовнeм,

¹⁰яко ходити вам достоинe Богу во всяцeм угождении и всяком дeлe блазe, плодоносяще и возрастающе в разумe Божии,

¹¹всякою силою возмогающе по державe славы его, во всяцeм терпeнии и долготерпeнии с радостию.

¹²благодаряще Бога и Отца, призвавшаго вас в причастие наслeдия святых во свeтe.

¹³иже избави нас от власти темныя и престави в царство Сына любве своея,

¹⁴о немже имамы избавление кровию его и оставление грeхов.

¹⁵иже есть образ Бога невидимаго, перворожден всея твари.

¹⁶яко тeм создана быша всяческая, яже на небеси и яже на земли, видимая и невидимая, аще престоли, аще господствия, аще начала, аще власти: всяческая тeм и о нем создашася.

¹⁷и той есть прежде всeх, и всяческая в нем состоятся.

¹⁸И той есть глава тeлу церкве, иже есть начаток, перворожден из мертвых, яко да будет во всeх той первенствуя.

¹⁹яко в нем благоизволи всему исполнению вселитися,

²⁰и тeм примирити всяческая к себe, умиротворив кровию креста его, чрез него, аще земная, аще ли небeсная.

²¹И вас, иногда сущих отчужденных и врагов помышленьми в дeлeх лукавых,

²²нынe же примири в тeлe плоти его смертию его, представити вас стых и непорочных и неповинных пред собою,

²³аще убо пребываете в вeрe основани и тверди, и неподвижими от упования благовeствования, еже слышасте, проповeданное всей твари поднебеснeй, емуже бых аз павел служитель.

²⁴Нынe радуюся во страданиих моих о вас, яко исполняю лишение скорбей Христовых во плоти моей за тeло его, еже есть церковь.

²⁵ейже бых аз служитель по смотрению Божию, данному мнe в вас, исполнити слово Божие,

²⁶тайну сокровенную от вeк и от родов: нынe же явися святым его,

²⁷имже восхотe Бог сказати, кое богатство славы тайны сея во языцeх, иже есть Христос в вас, упование славы,

²⁸егоже мы проповeдуем, наказующе всякаго человeка и учаще всяцeй премудрости, да представим всякаго человeка совершенна о Христe Иисусe:

²⁹в немже и труждаюся и подвизаюся по дeйству его дeйствуемому во мнe силою.