Read Новый Завет на церковнославянском языке К Колоссянам 2 Bible Online

К Колоссянам 2 - Новый Завет на церковнославянском языке bible

К Колоссянам 2

¹хощу убо вас вeдeти, колик подвиг имам о вас и о сущих в лаодикии и во иераполи, и елицы не видeша лица моего во плоти,

²да утeшатся сердца их, снемшихся в любви и во всяцeм богатствe извeщения разума, в познание тайны Бога и Отца и Христа,

³в немже суть вся сокровища премдрости и разума сокровенна.

⁴Сие же глаголю, да никтоже вас прельстит в словопрeнии.

⁵аще бо и плотию отстою, но духом с вами есмь, радуяся и видя ваш чин и утверждение вашея вeры, яже во Христа.

⁶Якоже убо приясте Христа Иисуса Господа, такожде в нем ходите,

⁷укоренени и наздани в нем и извeствовани вeрою, якоже научистеся, избыточествующе в ней благодарением.

⁸(Братие,) блюдитеся, да никтоже вас будет прельщая философиею и тщетною лестию, по преданию человeческому, по стихиам мира, а не по Христe.

⁹яко в том живет всяко исполнение Божества тeлеснe:

¹⁰и да будете в нем исполнени, иже есть глава всякому началу и власти:

¹¹о немже и обрeзани бысте обрeзанием нерукотворенным, в совлечении тeла грeховнаго плоти, во обрeзании Христовe,

¹²спогребшеся ему крещением: о немже и совостасте вeрою дeйствия Бога, воскресившаго его из мертвых.

¹³и вас, мертвых сущих в прегрeшениих и в необрeзании плоти вашея, сооживил есть с ним, даровав нам вся прегрeшения,

¹⁴истребив еже на нас рукописание ученьми, еже бe сопротивно нам, и то взят от среды, пригвоздив е на крестe:

¹⁵совлек начала и власти, изведе в позор дерзновением, изобличив их в себe [побeдив их на нем] .

¹⁶Да никтоже убо вас осуждает о ядении, или о питии, или о части праздника, или о новомeсячиих, или о субботах:

¹⁷яже суть стeнь грядущих, тeло же Христово.

¹⁸Никтоже вас да прельщает изволенным ему смиреномудрием и службою ангелов, яже не увeдe учя, [в тeх ходя] ,без ума [всуе] дмяся от ума плоти своея,

¹⁹а не держя главы, из неяже все тeло, составы и соузы подаемо и снемлемо, растит возращение Божие.

²⁰Аще убо умросте со Христом от стихий мира, почто аки живуще в мирe стязаетеся?

²¹Не коснися, ниже вкуси, ниже осяжи:

²²яже суть вся во истлeние употреблением, по заповeдем и учением человeческим:

²³яже суть слово убо имуща премудрости в самовольнeй службe и смиреномудрии и непощадeнии тeла, не в чести коей к сытости плоти.