Read Новый Завет на церковнославянском языке К Колоссянам 4 Bible Online

К Колоссянам 4 - Новый Завет на церковнославянском языке bible

К Колоссянам 4

¹Господие, правду и уравнение рабом подавайте, вeдяще, яко и вы имате Господа на небесeх.

²В молитвe терпите, бодрствующе в ней со благодарением:

³молящеся и о нас вкупe, да Бог отверзет нам двери слова, проглаголати тайну Христову, еяже ради и связан есмь:

⁴да явлю ю, якоже подобает ми глаголати.

⁵В премудрости ходите ко внeшним, время искупующе.

⁶Слово ваше (да бывает) всегда во благодати, солию растворено, вeдeти, како подобает вам единому комуждо отвeщавати.

⁷Яже о мнe, вся скажет вам тихик, возлюбленный брат и вeрен служитель и соработник о Господe,

⁸егоже послах к вам на се истое, да разумeет яже о вас и утeшит сердца ваша,

⁹со онисимом, вeрным и возлюбленным братом нашим, иже есть от вас: вся вам скажут, яже здe.

¹⁰Цeлует вы аристарх сплeнник мой, и марко анепсий варнавин, о немже приясте заповeди: аще приидет к вам, приимите его:

¹¹и иисус нареченный иуст, сущий от обрeзания: сии едини споспeшницы во царство Божие, иже быша ми утeшение.

¹²Цeлует вы епафрас, иже от вас, раб Иисуса Христа, всегда подвизаяйся о вас в молитвах, да будете совершени и исполнени во всяцeй воли Божией.

¹³Свидeтелствую бо о нем, яко имать ревность многу (и болeзнь) о вас и о сущих в лаодикии и во иераполи.

¹⁴Цeлует вы лука врачь возлюбленный, и димас.

¹⁵Цeлуйте братию сущую в лаодикии, и нимфана, и домашнюю его церковь.

¹⁶И егда прочтется послание сие у вас, сотворите, да и в лаодикиистeй церкви прочтено будет, и написаное от лаодикии да и вы прочтете.

¹⁷И рцыте архиппу: блюди служение, еже приял еси о Господe, да довершиши е.

¹⁸Цeлование моею рукою павлею. Поминайте моя узы. Благодать со (всeми) вами. Аминь.