Read Новый Завет на церковнославянском языке 1-е Фессалоникийцам 3 Bible Online

1-е Фессалоникийцам 3 - Новый Завет на церковнославянском языке bible

1-е Фессалоникийцам 3

¹Тeмже уже не терпяще, благоволихом остатися во афинeх едини,

²и послахом тимофеа, брата нашего и служителя Божия и споспeшника нашего во благовeстии Христовe, утвердити вас и утeшити о вeрe вашей,

³яко ни единому смущатися в скорбех сих: сами бо вeсте, яко на сие истое лежим (учинени есмы).

⁴Ибо егда у вас бeхом, предрекохом вам, яко имамы скорбeти, еже и бысть, и вeсте.

⁵Сего ради и аз ктому не терпя, послах разумeти вeру вашу, да не како искусил вы искушаяй, и вотще будет труд наш.

⁶Нынe же пришедшу тимофею к нам от вас и благовeстившу нам вeру вашу и любовь, и яко имате память о нас благу, всегда желающе нас видeти, якоже и мы вас:

⁷сего ради утeшихомся, братие, о вас, во всякой скорби и нуждe нашей, вашею вeрою:

⁸яко мы нынe живи есмы, аще вы стоите о Господe.

⁹Кое бо благодарение Богу можем воздати о вас, о всякой радости, еюже радуемся вас ради пред Богом нашим,

¹⁰нощь и день преизлиха молящеся видeти лице ваше и совершити лишение вeры вашея?

¹¹Сам же Бог и Отец наш и Господь наш Иисус Христос да исправит путь наш к вам.

¹²Вас же Господь да умножит и да избыточествит любовию друг ко другу и ко всeм, якоже и мы к вам,

¹³во еже утвердити сердца ваша непорочна в святыни пред Богом и Отцем нашим, в пришествие Господа нашего Иисуса Христа со всeми святыми его. Аминь.