Read Новый Завет на церковнославянском языке 1-е Фессалоникийцам 4 Bible Online

1-е Фессалоникийцам 4 - Новый Завет на церковнославянском языке bible

1-е Фессалоникийцам 4

¹Тeмже убо, братие, просим вы и молим о Христe Иисусe, якоже приясте от нас, како подобает вам ходити и угождати Богови, якоже и ходите, да избыточествуете паче:

²вeсте бо, какова повелeния дахом вам Господем Иисусом.

³Сия бо есть воля Божия, святость ваша, хранити себе самeх от блуда,

⁴и вeдeти комуждо от вас свой сосуд стяжавати во святыни и чести,

⁵а не в страсти похотнeй, якоже и языцы не вeдящии Бога,

⁶и еже не преступати и лихоимствовати в вещи брата своего: зане мститель есть Господь о всeх сих, якоже и прежде рекохом к вам и засвидeтельствовахом.

⁷Не призва бо нас Бог на нечистоту, но во святость.

⁸Тeмже убо отметаяй не человeка отметает, но Бога, давшаго духа своего святаго в нас.

⁹О братолюбии же, не требуете, да пишется к вам, сами бо вы Богом учени есте, еже любити друг друга:

¹⁰ибо творите то ко всей братии, сущей во всей македонии. Молим же вы, братие, избыточествовати паче,

¹¹и любезно прилeжати, еже безмолвствовати и дeяти своя и дeлати своима рукама, якоже повелeхом вам:

¹²да ходите благообразно ко внeшним и ни чесогоже требуете.

¹³Не хощу же вас, братие, не вeдeти о умерших, да не скорбите, якоже и прочии не имущии упования.

¹⁴Аще бо вeруем, яко Иисус умре и воскресе, тако и Бог умершыя во Иисусe приведет с ним.

¹⁵Сие бо вам глаголем словом Господним, яко мы живущии, оставшии в пришествие Господне, не имамы предварити умерших:

¹⁶яко сам Господь в повелeнии, во гласe архангеловe и в трубe Божии снидет с небесе, и мертвии о Христe воскреснут первeе:

¹⁷потом же мы, живущии оставшии, купно с ними восхищени будем на облацeх в срeтение Господне на воздусe, и тако всегда с Господем будем.

¹⁸Тeмже утeшайте друг друга в словесeх сих.