Read Новый Завет на церковнославянском языке 1-е Фессалоникийцам 5 Bible Online

1-е Фессалоникийцам 5 - Новый Завет на церковнославянском языке bible

1-е Фессалоникийцам 5

¹А о лeтeх и о временeх, братие, не требe есть вам писати,

²сами бо вы извeстно вeсте, яко день Господень, якоже тать в нощи, тако приидет.

³Егда бо рекут: мир и утверждение, тогда внезапу нападет на них всегубительство, якоже болeзнь во чревe имущей, и не имут избeжати.

⁴Вы же, братие, нeсте во тмe, да день вас якоже тать постигнет:

⁵вси бо вы сынове свeта есте: и сынове дне: нeсмы нощи, ниже тьмы.

⁶Тeмже убо да не спим, якоже и прочии, но да бодрствуим и трезвимся.

⁷Спящии бо, в нощи спят, и упивающиися в нощи упиваются.

⁸Мы же, сынове суще дне, да трезвимся, оболкшеся в броню вeры и любве и шлем упования спасeния,

⁹яко не положи нас Бог в гнeв, но в получение спасeния Господем нашим Иисус Христом,

¹⁰умершим за нас, да, аще бдим, аще ли спим, купно с ним живем.

¹¹Сего ради утeшайте друг друга, и созидайте кийждо ближняго, якоже и творите.

¹²Молим же вы, братие, знайте труждающихся у вас, и настоятелей ваших о Господe, и наказующих вы,

¹³и имeйте их по преизлиха в любви за дeло их: мирствуйте в себe.

¹⁴Молим же вы, братие, вразумляйте безчинныя, утeшайте малодушныя, заступайте немощныя, долготерпите ко всeм.

¹⁵Блюдите, да никтоже зла за зло кому воздаст: но всегда доброе гоните и друг ко другу и ко всeм.

¹⁶Всегда радуйтеся.

¹⁷Непрестанно молитеся.

¹⁸О всем благодарите: сия бо есть воля Божия о Христe Иисусe в вас.

¹⁹Духа не угашайте.

²⁰Пророчествия не уничижайте.

²¹Вся же искушающе, добрая держите.

²²От всякия вещи злыя (от всякаго вида злаго) огребайтеся.

²³Сам же Бог мира да освятит вас всесовершенных во всем: и всесовершен ваш дух и душа и тeло непорочно в пришествие Господа нашего Иисуса Христа да сохранится.

²⁴Вeрен призвавый вас, иже и сотворит.

²⁵Братие, молитеся о нас.

²⁶Цeлуйте братию всю лобзанием святым.

²⁷Заклинаю вы Господем, прочести послание сие пред всею святою братиею.

²⁸Благодать Господа нашего Иисуса Христа с вами. Аминь.