Read Новый Завет на церковнославянском языке 2-е Фессалоникийцам 2 Bible Online

2-е Фессалоникийцам 2 - Новый Завет на церковнославянском языке bible

2-е Фессалоникийцам 2

¹Молим же вы, братие, о пришествии Господа нашего Иисуса Христа и нашем собрании о нем,

²не скоро подвизатися вам от ума, ни ужасатися ниже духом, ниже словом, ни посланием аки от нас посланным, яко уже настоит день Христов.

³Да никтоже вас прельстит ни по единому же образу: яко аще не приидет отступление прежде, и открыется человeк беззакония, сын погибели,

⁴противник и превозносяйся паче всякаго глаголемаго бога или чтилища, якоже ему сeсти в церкви Божией аки богу, показующу себе, яко бог есть.

⁵Не помните ли, яко еще живый у вас, сия глаголах вам?

⁶И нынe удержавающее вeсте, во еже явитися ему в свое ему время.

⁷Тайна бо уже дeется беззакония, точию держяй нынe дондеже от среды будет:

⁸и тогда явится беззаконник, егоже Господь Иисус убиет духом уст своих, и упразднит явлением пришествия своего,

⁹егоже есть пришествие по дeйству сатанину во всяцeй силe и знамениих и чудесeх ложных,

¹⁰и во всякой льсти неправды в погибающих, зане любве истины не прияша, во еже спастися им.

¹¹И сего ради послет им Бог дeйство льсти, во еже вeровати им лжи,

¹²да суд приимут вси не вeровавшии истинe, но благоволившии в неправдe.

¹³Мы же должни есмы благодарити Бога всегда о вас, братие возлюбленная от Господа, яко избрал есть вас Бог от начала во спасeние во святыни духа и вeры истины,

¹⁴в неже призва вас благовeствованием нашим, в получение славы Господа нашего Иисуса Христа.

¹⁵Тeмже убо, братие, стойте и держите предания, имже научистеся или словом, или посланием нашим.

¹⁶Сам же Господь наш Иисус Христос, и Бог и Отец наш, возлюбивый нас и давый утeшение вeчно и упование благо в благти,

¹⁷да утeшит сердца ваша и да утвердит (да утвердит вас) во всяцeм словe и дeлe блазe.