Read Новый Завет на церковнославянском языке 2-е Фессалоникийцам 3 Bible Online

2-е Фессалоникийцам 3 - Новый Завет на церковнославянском языке bible

2-е Фессалоникийцам 3

¹Прочее, молитеся о нас, братие, да слово Господне течет и славится, якоже и в вас,

²и да избавимся от злых и лукавых человeк: не всeх бо есть вeра.

³Вeрен же есть Господь, иже утвердит вас и сохранит от лукаваго.

⁴Уповаем же на Господа о вас, яко, яже повелeваем вам, и творите и сотворите.

⁵Господь же да исправит сердца ваша в любовь Божию и в терпeние Христово.

⁶Повелeваем же вам, братие, о имени Господа нашего Иисуса Христа, отлучатися вам от всякаго брата безчинно ходяща, а не по преданию, еже прияша от нас:

⁷сами бо вeсте, како лeпо есть вам подобитися нам: яко не безчинновахом у вас,

⁸ниже туне хлeб ядохом у кого, но в трудe и подвизe, нощь и день дeлающе, да не отягчим никогоже от вас:

⁹не яко не имамы власти, но да себе образ дамы вам, во еже уподобитися нам.

¹⁰Ибо егда бeхом у вас, сие завeщавахом вам: яко аще кто не хощет дeлати ниже да яст.

¹¹Слышим бо нeкия безчинно ходящыя у вас, ничтоже дeлающыя, но лукавно обходящыя:

¹²таковым запрещаем и молим о Господe нашем Иисусe Христe, да с безмолвием дeлающе, свой хлeб ядят.

¹³Вы же, братие, не стужайте, доброе творяще.

¹⁴Аще же кто не послушает словесе нашего посланием, сего назнаменуйте и не примeшайтеся ему, да посрамится:

¹⁵и не аки врага имeйте его, но наказуйте якоже брата.

¹⁶Сам же Господь мира да даст вам мир всегда во всяцeм образe: Господь со всeми вами.

¹⁷Цeлование моею рукою павлею, еже есть знамение во всяцeм послании: сице пишу:

¹⁸благодать Господа нашего Иисуса Христа со всeми вами. Аминь.