Read Новый Завет на церковнославянском языке 1-е Тимофею 6 Bible Online

1-е Тимофею 6 - Новый Завет на церковнославянском языке bible

1-е Тимофею 6

¹Елицы суть под игом раби, своих господий всякия чести да сподобляют, да имя Божие не хулится и учение.

²Имущии же вeрных господий да не нерадят о них, понеже братия суть: но паче да работают, зане вeрни суть и возлюблени, иже благодать восприемлющии. Сия учи и моли.

³Аще ли кто инако учит и не приступает к здравым словесем гда нашего Иисуса Христа и учению, еже по благовeрию,

⁴разгордeся, ничтоже вeдый, но недугуяй о стязаниих и словопрeниих, от нихже бывает зависть, рвение, хулы, непщевания лукава,

⁵бесeды злыя растлeнных человeков умом и лишенных истины, непщующих приобрeтение быти благочистотие. Отступай от таковых.

⁶Есть же снискание велие благочистотие с доволством.

⁷Ничтоже бо внесохом в мир сей: явe, яко ниже изнести что можем.

⁸Имeюще же пищу и одeяние, сими доволни будем.

⁹А хотящии богатитися впадают в напасти и сeть, и в похоти многи несмысленны и вреждающыя, яже погружают человeки во всегубителство и погибель:

¹⁰корень бо всeм злым сребролюбие есть, егоже нeцыи желающе заблудиша от вeры, и себе пригвоздиша болeзнем многим.

¹¹Ты же, о человeче Божий, сих бeгай: гони же правду, благочистотие, вeру, любовь, терпeние, кротость:

¹²подвизайся добрым подвигом вeры, емлися за вeчную жизнь, в нюже и зван был еси, и исповeдал еси доброе исповeдание пред многими свидeтели.

¹³Завeщаваю ти пред Богом оживляющим всяческая, и Христом Иисусом свидeтелствовавшим при понтийстeм пилатe доброе исповeдание:

¹⁴соблюсти тебe заповeдь нескверну и незазорну, даже до явления Господа нашего Иисуса Христа,

¹⁵еже во своя времена явит блаженный и един сильный, Царь царствующих и Господь господствующих,

¹⁶един имeяй безсмертие и во свeтe живый неприступнeм, егоже никтоже видeл есть от человeк, ниже видeти может: емуже чистоть и держава вeчная. Аминь.

¹⁷Богатым в нынeшнем вeцe запрещай не высокомудрствовати, ниже уповати на богатство погибающее, но на Бога жива, дающаго нам вся обилно в наслаждение:

¹⁸благое дeлати, богатитися в дeлeх добрых, благоподатливым быти, общителным,

¹⁹сокровищующе себe основание добро в будущее, да приимут вeчную жизнь.

²⁰О, тимофее, предание сохрани, уклоняяся скверных суесловий и прекословий лжеименнаго разума:

²¹о немже нeцыи хвалящеся, о вeрe погрeшиша. Благодать с тобою. Аминь.