Read Новый Завет на церковнославянском языке 2-е Тимофею 1 Bible Online

2-е Тимофею 1 - Новый Завет на церковнославянском языке bible

2-е Тимофею 1

¹Павел, апостол Иисус Христов волею Божиею, по обeтованию жизни, яже о Христe Иисусe,

²тимофею возлюбленному чаду: благодать, милость, мир от Бога Отца и Христа Иисуса Господа нашего.

³Благодарю Бога, емуже служу от прародителей чистою совeстию, яко непрестанную имам о тебe память в молитвах моих день и нощь,

⁴желая видeти тя, поминая слезы твоя, да радости исполнюся,

⁵воспоминание приемля о сущей в тебe нелицемeрнeй вeрe, яже вселися прежде в бабу твою лоиду и в матерь твою евникию: извeстен же есмь, яко и в тебе.

⁶Еяже ради вины воспоминаю тебe возгрeвати дар Божий живущий в тебe возложением руку моею:

⁷не бо даде нам Бог духа страха, но силы и любве и цeломдрия.

⁸Не постыдися убо страстию (свидeтелством) Господа нашего Иисуса Христа, ни мною юзником его: но спостражди благовeствованию (Христову) по силe Бога,

⁹спсшаго нас и призвавшаго званием святым, не по дeлом нашым, но по своему благоволению (предложению) и благодати даннeй нам о Христe Иисусe прежде лeт вeчных,

¹⁰явльшейся же нынe просвeщением спасителя нашего Иисуса Христа, разрушившаго убо смерть и возсиявшаго жизнь и нетлeние благовeствованием,

¹¹в неже поставлен бых аз проповeдник и апостол и учитель языков.

¹²Еяже ради вины и сия стражду: но не стыждуся. Вeм бо, емуже вeровах, и извeстихся, яко силен есть предание мое сохранити в день он.

¹³Образ имeй здравых словес, ихже от мене слышал еси, в вeрe и любви, яже о Христe Иисусe.

¹⁴Доброе завeщание соблюди духом святым живущим в нас.

¹⁵Вeси ли сие, яко отвратишася от мене вси, иже от асии, от нихже есть фигелл и ермоген.

¹⁶Да даст (же) милость Господь онисифорову дому, яко многажды мя упокои и вериг моих не постыдeся,

¹⁷но пришед в рим, тощнeе взыска мя и обрeте:

¹⁸да даст ему Господь обрeсти милость от Господа в день он: и елико во ефесe послужи ми, добрeе ты вeси.