Read Новый Завет на церковнославянском языке 2-е Тимофею 3 Bible Online

2-е Тимофею 3 - Новый Завет на церковнославянском языке bible

2-е Тимофею 3

¹Сие же вeждь, яко в послeдния дни настанут времена люта.

²Будут бо человeцы самолюбцы, сребролюбцы, величави, горди, хулницы, родителем противящиися, неблагодарни, неправедни, нелюбовни,

³непримирителни, (продерзиви, возносливи, прелагатае,) клеветницы, невоздержницы, некротцы, неблаголюбцы,

⁴предателе, нагли, напыщени, сластолюбцы паче нежели Боголюбцы,

⁵имущии образ благочстия, силы же его отвергшиися. И сих отвращайся.

⁶От сих бо суть поныряющии в домы и плeняющии женишца отягощенныя грeхами, водимыя похотьми различными,

⁷всегда учащяся и николиже в разум истины приити могущыя.

⁸Якоже ианний и иамврий противистася моисею, такожде и сии противляются истинe, человeцы растлeнни умом (и) неискусни о вeрe.

⁹Но не преуспeют болeе: безумие бо их явлено будет всeм, якоже и онeх бысть.

¹⁰Ты же послeдовал еси моему учению, житию, привeту, вeрe, долготерпeнию, любви, терпeнию,

¹¹изгнанием, страданием, якова ми быша во антиохии, (и) во иконии, (и) в листрeх: якова изгнания приях, и от всeх мя избавил есть Господь.

¹²И вси же хотящии благочстно жити о Христe Иисусe, гоними будут:

¹³лукавии же человeцы и чародeе преупeют на горшее, прельщающе и прельщаеми.

¹⁴Ты же пребывай в нихже научен еси и яже ввeрена суть тебe, вeдый, от кого научился еси:

¹⁵и яко измлада священная писания умeеши, могущая тя умудрити во спсние вeрою, яже о Христe Иисусe.

¹⁶Всяко писание Богодухновенно и полезно (есть) ко учению, ко обличению, ко исправлению, к наказанию еже в правдe,

¹⁷да совершен будет Божий человeк, на всякое дeло благое уготован.