Read Новый Завет на церковнославянском языке 2-е Тимофею 4 Bible Online

2-е Тимофею 4 - Новый Завет на церковнославянском языке bible

2-е Тимофею 4

¹Засвидeтелствую убо аз пред Богом и Господем нашим Иисус Христом, хотящим судити живым и мертвым в явлении его и царствии его:

²проповeдуй слово, настой благовременнe и безвременнe, обличи, запрети, умоли со всяким долготерпeнием и учением.

³Будет бо время, егда здраваго учения не послушают, но по своих похотех изберут себe учители, чешеми слухом:

⁴и от истины слух отвратят, и к баснем уклонятся.

⁵Ты же трезвися о всем, злопостражди, дeло сотвори благовeстника, служение твое извeстно сотвори.

⁶Аз бо уже жрен бываю, и время моего отшествия наста:

⁷подвигом добрым подвизахся, течение скончах, вeру соблюдох:

⁸прочее убо соблюдается мнe вeнец правды, егоже воздаст ми Господь в день он, првдный судия: не токмо же мнe, но и всeм возлюбльшым явление его.

⁹Потщися скоро приити ко мнe.

¹⁰Димас бо мене остави, возлюбив нынeшний вeк, и иде в солунь: крискент в галатию, тит в далматию: лука един есть со мною.

¹¹Марка поемь приведи с собою, есть бо ми благопотребен в службу.

¹²Тихика же послах во ефес.

¹³Фелон, егоже оставих в троадe у карпа, грядый принеси, и книги, паче же кожаныя.

¹⁴Александр ковачь многа ми зла сотвори: да воздаст ему Господь по дeлом его:

¹⁵от негоже и ты себе блюди, зeло бо противится словесем нашым.

¹⁶В первый мой отвeт никтоже бысть со мною, но вси мя оставиша: да не вмeнится им.

¹⁷Господь же мнe предста и укрeпи мя, да мною проповeдание извeстно будет, и услышат вси языцы: и избавлен бых от уст львов.

¹⁸И избавит мя Господь от всякаго дeла лукава и спасет во царствие свое небесное: емуже слава во вeки вeков. Аминь.

¹⁹Цeлуй прискиллу и акилу и онисифоров дом.

²⁰Ераст оста в коринфe: трофима же оставих в милитe боляща.

²¹Потщися прежде зимы приити. Цeлует тя еввул и пуд, и лин и клавдиа и братия вся.

²²Господь Иисус Христос со духом твоим. Благодать с вами. Аминь.