Read Новый Завет на церковнославянском языке К Титу 1 Bible Online

К Титу 1 - Новый Завет на церковнославянском языке bible

К Титу 1

¹Павел, раб Божий, апостол же Иисус Христов, по вeрe избранных Божиих и разуму истины, яже по благочестию,

²о уповании жизни вeчныя, юже обeтова неложный Бог прежде лeт вeчных,

³яви же во времена своя слово свое проповeданием, еже мнe поручено бысть по повелeнию спасителя нашего Бога:

⁴титу, присному чаду по общей вeрe: благодать, милость, мир от Бога Отца и Господа Иисуса Христа Спаса нашего.

⁵Сего ради оставих тя в критe, да недокончанная исправиши и устроиши по всeм градом пресвитеры, якоже тебe аз повелeх:

⁶аще кто есть непорочен, единыя жены муж, чада имый вeрна, не во укорении блуда, или непокорива.

⁷Подобает бо епископу без порока быти, якоже Божию строителю: не себe угождающу, (не дерзу, не напрасливу,) не гнeвливу, не пияницe, не биицe, не скверностяжательну,

⁸но страннолюбиву, благолюбцу, цeломдренну, праведну, преподобну, воздержательну,

⁹держащемуся вeрнаго словесе по учению, да силен будет и утeшати во здравeм учении, и противящыяся обличати.

¹⁰Суть бо мнози непокориви, суесловцы и умом прельщени, наипаче же сущии от обрeзания,

¹¹ихже подобает уста заграждати: иже вся домы развращают, учаще яже не подобает, сквернаго ради прибытка.

¹²Рече же нeкто от них, свой им пророк: критяне присно лживи, злии звeрие, утробы праздныя.

¹³Свидeтельство сие истинно есть. еяже ради вины обличай их нещадно, да здрави будут в вeрe,

¹⁴не внимающе иудейским баснем, ни заповeдем человeк отвращающихся от истины.

¹⁵Вся убо чиста чистым: оскверненым же и невeрным ничтоже чисто, но осквернися их и ум и совeсть.

¹⁶Бога исповeдуют вeдeти, а дeлы отмещутся его, мерзцы суще и непокориви и на всякое дeло благое неискусни.