Read Новый Завет на церковнославянском языке К Титу 2 Bible Online

К Титу 2 - Новый Завет на церковнославянском языке bible

К Титу 2

¹Ты же глаголи, яже подобает здравому учению:

²старцем трезвенным быти, честным, цeломдренным, здравствующым вeрою, любовию, терпeнием:

³старицам такожде во украшении столeпным, не клеветивым, не вину многу порабощенным, доброучительным,

⁴да уцeломудрят юныя, мужелюбицам быти, чадолюбицам,

⁵цeломдренным, чистым, домы добрe правящым, благим, покаряющымся своим мужем, да не слово Божие хулится:

⁶юношы такожде моли цeломудрствовати.

⁷О всем (же) сам себе подавая образ добрых дeл, во учении независтное (цeлость), честность, нетлeние,

⁸слово здравое, незазорное. да противный посрамится, ничтоже имeя глаголати о нас укорно.

⁹Рабы, своим господем повиноватися, во всем благоугодным быти, не прекословным,

¹⁰не крадущым, но вeру всяку являющым благу. да учение спасителя нашего Бога украшают во всем.

¹¹Явися бо благодать Божия спасительная всeм человeком,

¹²наказующи нас, да отвергшеся нечестия и мирских похотей, цeломдренно и праведно и благочестно поживем в нынeшнем вeцe,

¹³ждуще блаженнаго упования и явления славы великаго Бога и спаса нашего Иисуса Христа,

¹⁴иже дал есть себе за ны, да избавит ны от всякаго беззакония и очистит себe люди избранны, ревнители добрым дeлом.

¹⁵Сия глаголи, и моли, и обличай со всяким повелeнием. да никтоже тя преобидит (презирает).