Read Новый Завет на церковнославянском языке К Титу 3 Bible Online

К Титу 3 - Новый Завет на церковнославянском языке bible

К Титу 3

¹Воспоминай тeм началствующым и владeющым повиноватися и покарятися, и ко всякому дeлу благу готовым быти:

²ни единаго хулити, не сварливым быти, но тихим, всяку являющым кротость ко всeм человeком.

³Бeхом бо иногда и мы несмысленни, и непокориви, и прельщени, работающе похотем и сластем различным, в злобe и зависти живуще, мерзцы (суще и) ненавидяще друг друга.

⁴Егда же благодать и человeколюбие явися спаса нашего Бога,

⁵не от дeл првных, ихже сотворихом мы, но по своей его милости, спасе нас банею пакибытия и обновления духа святаго,

⁶егоже излия на нас обильно Иисус Христом, спасителем нашим,

⁷да оправдившеся благодатию его, наслeдницы будем по упованию жизни вeчныя.

⁸(Чадо тите,) вeрно слово, и о сих хощу тя извeщати (утвердити), да пекутся добрым дeлом прилeжати вeровавшии Богу: сия суть полезна человeком и добра.

⁹Буих же стязаний и родословий и рвений и сваров законных отступай: суть бо неполезны и суетны.

¹⁰Еретика человeка по первом и вторeм наказании отрицайся,

¹¹вeдый, яко развратися таковый, и согрeшает, и есть самоосужден.

¹²егда послю артему к тебe или тихика, потщися приити ко мнe в никополь: тамо бо судих озимeти.

¹³Зину законника и аполлоса скоро предпосли, и да ничтоже им скудно будет.

¹⁴Да учатся же и наши добрым дeлом прилeжати в нужная требования, да не будут безплодни.

¹⁵Цeлуют тя со мною сущии вси. Цeлуй любящыя ны в вeрe. Благодать со всeми вами. Аминь.