Read Новый Завет на церковнославянском языке К Евреям 1 Bible Online

К Евреям 1 - Новый Завет на церковнославянском языке bible

К Евреям 1

¹Многочастнe и многообразнe древле Бог глаголавый отцем во пророцeх,

²в послeдок дний сих глагола нам в Сынe, егоже положи наслeдника всeм, имже и вeки сотвори.

³Иже сый сияние славы и образ ипостаси его, нося же всяческая глаголом силы своея, собою очищение сотворив грeхов наших, сeде о десную престола величествия на высоких,

⁴толико лучший быв ангелов, елико преславнeе паче их наслeдствова имя.

⁵Кому бо рече когда от ангел: Сын мой еси ты, аз днесь родих тя? И паки: аз буду ему во Отца, и той будет мнe в сына?

⁶Егда же паки вводит первороднаго во вселенную, глаголет: и да поклонятся ему вси ангели Божии.

⁷И ко ангелом убо глаголет: творяй ангелы своя духи и слуги своя огнь палящь.

⁸К Сыну же: престол твой, Боже, в вeк вeка: жезл правости жезл царствия твоего:

⁹возлюбил еси правду и возненавидeл еси беззаконие: сего ради помаза тя, Боже, Бог твой елеем радости паче причастник твоих.

¹⁰И (паки): в началe ты, Господи, землю основал еси, и дeла руку твоею суть небеса:

¹¹та погибнут, ты же пребываеши: и вся, якоже риза, обетшают,

¹²и яко одежду свиеши их, и измeнятся: ты же тойжде еси, и лeта твоя не оскудeют.

¹³Кому же от ангел рече когда: сeди о десную мене, дондеже положу враги твоя подножие ног твоих?

¹⁴Не вси ли суть служебнии дуси, в служение посылаеми за хотящих наслeдовати спсние?