Read Новый Завет на церковнославянском языке К Евреям 10 Bible Online

К Евреям 10 - Новый Завет на церковнославянском языке bible

К Евреям 10

¹Сeнь бо имый закон грядущих благ, (а) не самый образ вещей, на всякое лeто тeмиже жертвами, ихже приносят выну, никогдаже может приступающих совершити.

²Понеже престали бы быти приносимы, ни едину ктому имущым совeсть о грeсeх служащым, единою очищенным.

³Но в них воспоминание грeхов на коеждо лeто бывает,

⁴невозможно бо крови юнчей и козлей отпущати грeхи.

⁵Тeмже входя в мир, глаголет: жертвы и приношения не восхотeл еси, тeло же совершил ми еси:

⁶всесожжений и (такожде) о грeсe не благоволил еси.

⁷Тогда рeх: се, иду: в главизнe книжнeй написася о мнe, еже сотворити волю твою, Боже.

⁸Выше глаголя: яко жертвы и приношения и всесожжений и (такожде) о грeсeх не восхотeл еси, ниже благоволил еси: яже по закону приносятся:

⁹тогда рече: се, иду сотворити волю твою, Боже. Отемлет первое, да второе поставит.

¹⁰О нейже воли освящени есмы принесением тeла Иисус Христова единою.

¹¹И всяк убо священник стоит на всяк день служя и тыяжде множицею принося жертвы, яже никогдаже могут отяти грeхов.

¹²Он же едину о грeсeх принес жертву, всегда сeдит о десную Бога,

¹³прочее ожидая, дондеже положатся врази его подножие ног его:

¹⁴единeм бо приношением совершил есть во вeки освящаемых.

¹⁵Свидeтелствует же нам и дух святый, по рeченному бо прежде:

¹⁶сей завeт, егоже завeщаю к ним по днех онeх, глаголет Господь, дая законы моя на сердца их, и в помышлениих их напишу их:

¹⁷(таже глаголет Господь:) и грeхов их и беззаконий их не имам помянути ктому.

¹⁸А идeже отпущение сих, ктому нeсть приношения о грeсeх.

¹⁹Имуще убо дерзновение, братие, входити во святая кровию Иисус Христовою, путем новым и живым,

²⁰егоже обновил есть нам завeсою, сирeчь плотию своею,

²¹и иереа велика над домом Божиим,

²²да приступаем со истинным сердцем во извeщении вeры, окроплени сердцы от совeсти лукавыя и измовени тeлесы водою чистою:

²³да держим исповeдание упования неуклонное, вeрен бо есть обeщавый:

²⁴и да разумeеваем друг друга в поощрении любве и добрых дeл,

²⁵не оставляюще собрания своего, якоже есть нeким обычай, но (друг друга) подвизающе, и толико паче, елико видите приближающийся день (судный).

²⁶Волею бо согрeшающым нам по приятии разума истины, ктому о грeсeх не обрeтается жертва,

²⁷страшно же нeкое чаяние суда и огня ревность, поясти хотящаго сопротивныя.

²⁸Отверглся кто закона моисеова, без милосердия при двоих или триех свидeтелех умирает:

²⁹колико мните горшия сподобится муки, иже Сына Божия поправый, и кровь завeтную скверну возмнив, еюже освятися, и духа благодати укоривый?

³⁰Вeмы бо рекшаго: мнe отмщение, аз воздам, глаголет Господь. И паки: яко судит Господь людем своим.

³¹Страшно (есть) еже впасти в руцe Бога живаго.

³²Воспоминайте же первыя дни вашя, в нихже просвeтившеся, многия страсти претерпeсте (мног подвиг подясте) страданий,

³³ово убо, поношеньми и скорбьми позор бывше, ово же, общницы бывше живущым тако:

³⁴ибо узам моим спострадасте и разграбление имeний ваших с радостию приясте, вeдяще имeти себe имeние на небесeх пребывающее и лучшее.

³⁵Не отлагайте убо дерзновения вашего, еже имать мздовоздаяние велико.

³⁶Терпeния бо имате потребу, да волю Божию сотворше, приимете обeтование:

³⁷еще бо мало елико елико, грядый приидет и не укоснит.

³⁸А првдный от вeры жив будет: и аще обинется, не благоволит душа моя о нем.

³⁹Мы же (братие) нeсмы обиновения в погибель, но вeры в снабдeние души.