Read Новый Завет на церковнославянском языке К Евреям 11 Bible Online

К Евреям 11 - Новый Завет на церковнославянском языке bible

К Евреям 11

¹Есть же вeра уповаемых извeщение, вещей обличение невидимых.

²В сей бо свидeтелствовани быша древнии.

³Вeрою разумeваем совершитися вeком глаголом Божиим, во еже от неявляемых видимым быти.

⁴Вeрою множайшую жертву авель паче каина принесе Богу, еюже свидeтелствован бысть быти првдник, свидeтелствующу о дарeх его Богу: и тою умерый еще глаголет.

⁵Вeрою енох преложен бысть не видeти смерти: и не обрeташеся, зане преложи его Бог: прежде бо преложения его свидeтелствован бысть, яко угоди Богу.

⁶Без вeры же невозможно угодити (Богу): вeровати же подобает приходящему к Богу, яко есть, и взыскающым его мздовоздатель бывает.

⁷Вeрою отвeт приим ное о сих, яже не у видe, убоявся сотвори ковчег во спасение дому своего: еюже осуди (весь) мир, и правды, яже по вeрe, бысть наслeдник.

⁸Вeрою зовом авраам послуша изыти на мeсто, еже хотяше прияти в наслeдие, и изыде не вeдый, камо грядет.

⁹Вeрою прииде авраам на землю обeтования, якоже на чужду, в кровы вселися со исааком и иаковом снаслeдникома обeтования тогожде:

¹⁰ждаше бо основания имущаго града, емуже художник и содeтель Бог.

¹¹Вeрою и сама сарра неплоды силу во удержание сeмене прият и паче времене возраста роди, понеже вeрна непщева обeтовавшаго.

¹²Тeмже и от единаго родишася, да еще умерщвленнаго, якоже звeзды небесныя множеством и яко песок вскрай моря безчисленный.

¹³По вeрe умроша сии вси, не приемше обeтований, но издалеча видeвше я, и цeловавше, и исповeдавше, яко страннии и пришелцы суть на земли:

¹⁴ибо таковая глаголющии являются, яко отечествия взыскуют.

¹⁵И аще бы убо оно помнили, из негоже изыдоша, имeли бы время возвратитися:

¹⁶нынe же лучшаго желают, сирeчь небeснаго: тeмже не стыдится сими Бог, Бог нарицатися их: уготова бо им град.

¹⁷Вeрою приведе авраам исаака искушаемь, и единороднаго приношаше, обeтования приемый,

¹⁸к немуже глаголано бысть: яко о исаацe наречется тебe сeмя:

¹⁹помыслив, яко и из мертвых воскресити силен (есть) Бог, тeмже того и в притчe прият.

²⁰Вeрою о грядущих благослови исаак иакова и исава.

²¹Вeрою иаков умирая коегождо сына иосифова благослови и поклонися на верх жезла его.

²²Вeрою иосиф умирая о исхождении сынов израилевых памятствова и о костех своих заповeда.

²³Вeрою моисей родився сокровен бысть три мeсяцы от отец своих, зане видeша красно отроча и не убояшася повелeния царева.

²⁴Вeрою моисей, велик быв, отвержеся нарицатися сын дщере фараоновы:

²⁵паче (же) изволи страдати с людьми Божиими, нежели имeти временную грeха сладость,

²⁶болшее богатство вмeнив египетских сокровищ поношение Христово: взираше бо на мздовоздаяние.

²⁷Вeрою остави египет, не убоявся ярости царевы: невидимаго бо яко видя, терпяше.

²⁸Вeрою сотвори пасху и пролитие крове, да не погубляяй перворожденная коснется их.

²⁹Вeрою преидоша чермное море аки по сусe земли: егоже искушение приемше египтяне истопишася.

³⁰Вeрою стeны иерихонския падоша обхождением седмих дний.

³¹Вeрою раав блудница не погибе с сопротивльшимися, приимши сходники (соглядатели) с миром (и иным путем изведши).

³²И что еще глаголю? Не достанет бо ми повeствующу времене о гедеонe, варацe же и сампсонe и иеффаи, о давидe же и самуилe, и о (других) пророцeх,

³³иже вeрою побeдиша царствия, содeяша правду, получиша обeтования, заградиша уста львов,

³⁴угасиша силу огненную, избeгоша острея меча, возмогоша от немощи, быша крeпцы во бранех, обратиша в бeгство полки чуждих:

³⁵прияша жены от воскресения мертвых своих: инии же избиени быша, не приемше избавления, да лучшее воскресние улучат:

³⁶друзии же руганием и ранами искушение прияша, еще же и узами и темницею,

³⁷камением побиени быша, претрени быша, искушени быша, убийством меча умроша, проидоша в милотех (и) в козиях кожах, лишени, скорбяще, озлоблени:

³⁸ихже не бe достоин (весь) мир, в пустынех скитающеся и в горах и в вертепах и в пропастех земных.

³⁹И сии вси послушествани бывше вeрою, не прияша обeтования,

⁴⁰Богу лучшее что о нас предзрeвшу, да не без нас совершенство приимут.