Read Новый Завет на церковнославянском языке К Евреям 12 Bible Online

К Евреям 12 - Новый Завет на церковнославянском языке bible

К Евреям 12

¹Тeмже убо и мы, толик имуще облежащь нас облак свидeтелей, гордость всяку (бремя всяко) отложше и удобь обстоятелный грeх, терпeнием да течем на предлежащий нам подвиг,

²взирающе на началника вeры и совершителя Иисуса, иже вмeсто предлежащия ему радости претерпe крест, о срамотe нерадив, о десную же прстола Божия сeде.

³Помыслите убо таковое пострадавшаго от грeшник на себе прекословие, да не стужаете, душами своими ослабляеми.

⁴Не у до крове стасте, противу грeха подвизающеся,

⁵и забысте утeшение, еже вам яко сыном глаголет: сыне мой, не пренемогай наказанием Господним, ниже ослабeй, от него обличаемь.

⁶Егоже бо любит Господь, наказует: биет же всякаго сына, егоже приемлет.

⁷Аще наказание терпите, якоже сыновом обрeтается вам Бог. Который бо есть сын, егоже не наказует отец?

⁸Аще же без наказания есте, емуже причастницы быша вси, убо прелюбодeйчищи есте, а не сынове.

⁹К сим, плоти нашей отцы имeхом наказатели, и срамляхомся: не много ли паче повинемся Отцу духовом, и живи будем?

¹⁰Они бо в мало дний, якоже годe им бe, наказоваху нас: а сей на пользу, да причастимся святыни его.

¹¹Всякое бо наказание в настоящее время не мнится радость быти, но печаль: послeди же плод мирен наученым тeм воздает правды.

¹²Тeмже ослабленныя руки и ослабленная колeна исправите

¹³и стези правы сотворите ногами вашими, да не хромое совратится, но паче да изцeлeет.

¹⁴Мир имeйте и святыню со всeми, ихже кромe никтоже узрит Господа:

¹⁵смотряюще, да не кто лишится благодати Божия: да не кий корень горести, выспрь прозябаяй, пакость сотворит, и тeм осквернятся мнози:

¹⁶да не кто блудодeй, или сквернитель, якоже исав, иже за ядь едину отдал есть первородство свое.

¹⁷Вeсте бо, яко и потом похотeв наслeдовати благсвение, отвержен бысть: покаяния бо мeста не обрeте, аще и со слезами поискал его.

¹⁸Не приступисте бо к горe осязаемeй и разгорeвшемуся огню, и облаку и сумраку, и бурe

¹⁹и трубному звуку, и гласу глагол, егоже слышавшии отрекошася, да не приложится им слово,

²⁰не терпяху бо повелeвающаго: аще и звeрь прикоснется горe, камением побиен будет:

²¹и тако страшно бe видимое, моисей рече: пристрашен есмь и трепетен.

²²Но приступисте к сионстeй горe и ко граду Бога живаго, иерусалиму небeсному и тмам ангелов,

²³торжеству и церкви первородных на небесeх написанных, и судии всeх Богу и духом првдник совершенных,

²⁴и к ходатаю завeта новаго Иисусу и крови кропления, лучше глаголющей, нежели авелева.

²⁵Блюдите (же), да не отречетеся глаголющаго. Аще бо не избeжаша они отрекшиися пророчествующаго на земли, множае паче мы отрицающиися небeснаго,

²⁶егоже глас землю тогда поколеба, нынe же обeтова, глаголя: еще единою аз потрясу не токмо землею, но и небом.

²⁷А еже еще единою, сказует колеблемых преложение, аки сотворенных, да пребудут, яже суть неподвижимая.

²⁸Тeмже царство непоколебимо приемлюще, да имамы благодать, еюже служим благоугодно Богу с благоговeнием и страхом,

²⁹ибо Бог наш огнь поядаяй (есть).