Read Новый Завет на церковнославянском языке К Евреям 13 Bible Online

К Евреям 13 - Новый Завет на церковнославянском языке bible

К Евреям 13

¹Братолюбие да пребывает:

²страннолюбия не забывайте, тeм бо не вeдяще нeцыи странноприяша ангелы.

³Поминайте юзники, аки с ними связани: озлобляемыя, аки и сами суще в тeлe.

⁴Честна женитва во всeх и ложе нескверно: блудником же и прелюбодeем судит Бог.

⁵Не сребролюбцы нравом, доволни сущими. Той бо рече: не имам тебе оставити, ниже имам от тебе отступити:

⁶яко дерзающым нам глаголати: Господь мнe помощник, и не убоюся: что сотворит мнe человeк?

⁷Поминайте наставники вашя, иже глаголаша вам слово Божие: ихже взирающе на скончание жителства, подражайте вeрe (их).

⁸Иисус Христос вчера и днесь тойже, и во вeки.

⁹В научения странна и различна не прилагайтеся: добро бо благодатию утверждати сердца, (а) не брашны, от нихже не прияша пользы ходившии в них.

¹⁰Имамы (же) олтарь, от негоже не имут власти ясти служащии сeни.

¹¹Ихже бо кровь животных вносится во святая за грeхи первосвященником, сих тeлеса сжигаются внe стана:

¹²тeмже Иисус, да освятит люди своею кровию, внe врат пострадати изволил.

¹³Тeмже убо да исходим к нему внe стана, поношение его носяще:

¹⁴не имамы бо здe пребывающаго града, но грядущаго взыскуем.

¹⁵Тeм убо приносим жертву хваления выну Богу, сирeчь плод устен исповeдающихся имени его.

¹⁶Благотворения же и общения не забывайте: таковыми бо жертвами благоугождается Бог.

¹⁷Повинуйтеся наставником вашым и покаряйтеся: тии бо бдят о душах ваших, яко слово воздати хотяще: да с радостию сие творят, а не воздыхающе, нeсть бо полезно вам сие.

¹⁸Молитеся о нас: уповаем бо, яко добру совeсть имамы, во всeх добрe хотяще жити.

¹⁹Лишше же молю, сие творите, да вскорe устроюся вам (возвращуся к вам).

²⁰Бог же мира, возведый из мертвых пастыря овцам великаго кровию завeта вeчнаго, Господа нашего Иисуса Христа,

²¹да совершит вы во всяцeм дeлe блазe, сотворити волю его, творя в вас благоугодное пред ним Иисус Христом: емуже слава во вeки вeков. Аминь.

²²Молю же вы, братие, приимите слово утeшения: ибо вмалe написав послах вам.

²³Знайте брата нашего отпущена тимофеа, с нимже, аще скорeе приидет, узрю вас.

²⁴Цeлуйте вся наставники вашя и вся святыя. Цeлуют вы иже от италии сущии.

²⁵Благодать со всeми вами. Аминь.