Read Новый Завет на церковнославянском языке К Евреям 3 Bible Online

К Евреям 3 - Новый Завет на церковнославянском языке bible

К Евреям 3

¹Тeмже, братие святая, звания небeснаго причастницы, разумeйте посланника и святителя исповeдания нашего Иисуса Христа,

²вeрна суща сотворшему его, якоже и моисей во всем дому его.

³Множайшей бо славe сей паче моисеа сподобися, елико множайшую честь имать паче дому сотворивый его:

⁴всяк бо дом созидается от нeкоего: а сотворивый всяческая Бог.

⁵И моисей убо вeрен бe во всем дому его, якоже слуга, во свидeтелство глаголатися имeвшым:

⁶Христос же якоже Сын в дому своем: егоже дом мы есмы, аще дерзновение и похвалу упования даже до конца извeстно удержим.

⁷Тeмже, якоже глаголет дух святый, днесь, аще глас его услышите,

⁸не ожесточите сердец ваших, якоже в прогнeвании, во дни искушения в пустыни,

⁹идeже искусиша мя отцы ваши, искусиша мя и видeша дeла моя четыредесять лeт.

¹⁰Сего ради негодовах рода того и рeх: прсно заблуждают сердцем, тии же не познаша путий моих:

¹¹яко кляхся во гнeвe моем, аще внидут в покой мой.

¹²Блюдите, братие, да не когда будет в нeкоем от вас сердце лукаво, (исполнено) невeрия, во еже отступити от Бога жива.

¹³Но утeшайте себе на всяк день дондеже днесь нарицается, да не ожесточится нeкто от вас лестию грeховною:

¹⁴причастницы бо быхом Христу, аще точию начаток состава даже до конца извeстен удержим:

¹⁵внегда глаголет: днесь, аще глас его услышите, не ожесточите сердец ваших, якоже в прогнeвании.

¹⁶Нeцыи бо слышавше прогнeваша, но не вси изшедшии из египта с моисеом.

¹⁷Коих же негодова четыредесять лeт? Не согрeшивших ли, ихже кости падоша в пустыни?

¹⁸Которым же клялся не внити в покоище его? Явe, яко противльшымся.

¹⁹И видим, яко не возмогоша внити за невeрствие.