Read Новый Завет на церковнославянском языке К Евреям 4 Bible Online

К Евреям 4 - Новый Завет на церковнославянском языке bible

К Евреям 4

¹Да убоимся убо, да не когда оставлену обeтованию внити в покой его, явится кто от вас лишився.

²Ибо нам благовeствовано есть, якоже и онeм: но не пользова онeх слово слуха, не растворенное вeрою слышавших.

³Входим бо в покой вeровавшии, якоже рече: яко кляхся во гнeвe моем, аще внидут в покой мой: аще и дeлом от сложения мира бывшым.

⁴Рече бо нeгдe о седмeм сице: и почи Бог в день седмый от всeх дeл своих.

⁵И в сем паки: аще внидут в покой мой.

⁶Понеже убо лишени нeцыи (остается нeкиим) внити в него, и имже прежде благовeствовано бe, не внидоша за непослушание:

⁷паки нeкий уставляет день, днесь, в давидe глаголя, по толицeх лeтeх, якоже прежде глаголася: днесь, аще глас его услышите, не ожесточите сердец ваших.

⁸Аще бо бы онeх Иисус упокоил, не бы о инeм дни глаголал по сих.

⁹Убо оставлено есть (и еще) субботство людем Божиим:

¹⁰вшедый бо в покой его, и той почи от дeл своих, якоже от своих Бог.

¹¹Потщимся убо внити во оный покой, да не кто в ту же притчу противления впадет.

¹²Живо бо слово Божие и дeйственно, и острeйше паче всякаго меча обоюду остра, и проходящее даже до раздeления души же и духа, членов же и мозгов, и судително помышлением и мыслем сердечным.

¹³И нeсть тварь неявлена пред ним, вся же нага и обявлена пред очима его, к немуже нам слово.

¹⁴Имуще убо архиереа велика, прошедшаго небеса, Иисуса Сына Божия, да держимся исповeдания.

¹⁵Не имамы бо архиереа не могуща спострадати немощем нашым, но искушена по всяческим по подобию, развe грeха.

¹⁶Да приступаем убо с дерзновением к престолу благодати, да приимем милость и благодать обрящем во благовременну помощь.