Read Новый Завет на церковнославянском языке К Евреям 5 Bible Online

К Евреям 5 - Новый Завет на церковнославянском языке bible

К Евреям 5

¹Всяк бо первосвященник, от человeк приемлемь, за человeки поставляется на службы яже к Богу, да приносит дары же и жертвы о грeсeх,

²спострадати могий невeжствующым и заблуждающым, понеже и той немощию обложен есть:

³и сего ради должен есть якоже о людех, такожде и о себe приносити за грeхи.

⁴И никтоже сам себe приемлет честь, но званный от Бога, якоже и аарон.

⁵Тако и Христос не себе прослави быти первосвященника, но глаголавый к нему: Сын мой еси ты, аз днесь родих тя:

⁶якоже и индe глаголет: ты еси священник во вeк по чину мелхиседекову.

⁷Иже во днех плоти своея моления же и молитвы к могущему спсти его от смерти с воплем крeпким и со слезами принес, и услышан быв от благоговeинства,

⁸аще и Сын бяше, обаче навыче от сих, яже пострада, послушанию,

⁹и совершився бысть всeм послушающым его виновен спсния вeчнаго,

¹⁰нарeчен от Бога первосвященник по чину мелхиседекову.

¹¹О немже многое нам слово и неудобь сказаемое глаголати, понеже немощни бысте слухи.

¹²Ибо, должни суще быти учителие лeт ради, паки требуете учитися, кая писмена начала словес Божиих: и бысте требующе млека, а не крeпкия пищи.

¹³Всяк бо причащаяйся млека неискусен слова правды, младенец бо есть:

¹⁴совершенных же есть твердая пища, имущих чувствия обучена долгим учением в разсуждение добра же и зла.