Read Новый Завет на церковнославянском языке К Евреям 6 Bible Online

К Евреям 6 - Новый Завет на церковнославянском языке bible

К Евреям 6

¹Тeмже оставльше начала Христова слово, на совершение да ведемся, не паки основание покаяния полагающе от мертвых дeл, и вeры в Бога,

²крещений учения, возложения же рук, воскресния же мертвых и суда вeчнаго.

³И сие сотворим, аще Бог повелит.

⁴Невозможно бо просвeщенных единою и вкусивших дара небeснаго, и причастников бывших духа святаго,

⁵и добраго вкусивших Божия глагола и силы грядущаго вeка,

⁶и отпадших, паки обновляти в покаяние, второе распинающих Сына Божия себe и обличающих.

⁷Земля бо пившая сходящий на ню множицею дождь и раждающая былия добрая оным, имиже и дeлаема бывает, приемлет благословение от Бога:

⁸а износящая терния и волчец непотребна есть и клятвы близ, еяже кончина в пожжение.

⁹Надeемся же о вас, возлюбленнии, лучших и придержащихся спсния, аще и тако глаголем.

¹⁰Не обидлив бо Бог, забыти дeла вашего и труда любве, юже показасте во имя его, послуживше святым и служаще.

¹¹Желаем же, да кийждо вас являет тожде тщание ко извeщению упования даже до конца,

¹²да не лeниви будете, но подражателе наслeдствующих обeтования вeрою и долготерпeнием.

¹³Аврааму бо обeтовая Бог, понеже ни единeм имяше болшим клятися, клятся собою,

¹⁴глаголя: воистинну благословя благословлю тя и умножая умножу тя.

¹⁵И тако долготерпeв, получи обeтование.

¹⁶Человeцы бо болшим кленутся, и всякому их прекословию кончина во извeщение клятва (есть).

¹⁷В немже лишше хотя Бог показати наслeдником обeтования непреложное совeта своего, ходатайствова клятвою:

¹⁸да двeма вещьми непреложными, в нихже невозможно солгати Богу, крeпкое утeшение имамы прибeгшии ятися за предлежащее упование,

¹⁹еже аки котву имамы души, тверду же и извeстну, и входящую во внутреннeйшее завeсы,

²⁰идeже прдтеча о нас вниде Иисус, по чину мелхиседекову первосвященник быв во вeки.